【專欄分享：恨情人】秋風陣陣 行山最好不過之睇日落好去處-西高山

今日為大家介紹一條位於港島西邊既一條行山路線，又有靚日落又簡單易行，老少咸宜，情侶拍拖都唔錯嫁。最重要梗係影靚相呃到LIKE啦，不過都要注意安全，因為話哂都係山路，都有佢既危險性，同埋要帶足夠既糧食同飲料。最重要既就係記得帶走自己帶來既垃圾呀。

黎既朋友可以係ifc底小巴總站搭1號小巴或係中環交易廣場搭15號巴士上黎山頂。如果上斜就係去山頂公園，不過今日我地目標係要睇靚日落，所以要沿夏力道行，即係行左手邊條路。出發前睇睇攻略先，睇到西高山嗎？係咪好近呢？

睇完攻略就出發嚕~~沿夏力道一直行就無錯嫁啦~直路去到尾。途中會經過盧吉飛瀑，睇日落前可以影下瀑布先，吸多幾個like嘛，因為我試過黎係無水，咁睇你好唔好彩啦！

沿夏力道行到咁上下會見到呢個亭既，休息下先啦，小休一陣再出發，西高山入口就係亭後面。亭後面位置，落樓梯後一直行，行前幾步就係呢片空地，後面條樓梯就係西高山入口

天梯....慢慢行啦，要睇靚日落，影靚相係要付出少少

見到標高柱就等於到頂啦~

在標高柱望到既風景

重望到簿扶林水塘同南丫島

標高柱下方行你會見呢個牌，可以行到出去既，我見都有人行出去影相，但安全問題我唔建議啦

西高山既日落

Text & photos：恨情人