你準備好少女心要無限爆發了嗎？ 澳門CHA BEI最新超少女花漾下午茶！甜品陣容超鼎盛～

今次小編要帶大家黎到一直都好想黎係澳門銀河嘅CHA BEI！係一個充滿少女心嘅地方啊，你地去澳門真係唔可以錯過～

Photo from Presslogic
門口已經係一個可以瘋狂打卡嘅地方，上面有特大花花下面有一個裝飾得好靚嘅韆鞦，坐係上面影張相簡直係仙氣爆棚～

門口仲好似花店咁放左各色各樣唔同種類嘅花，真係好靚啊嗚～～～不過更加吸引小編嘅反而係透明櫃上面陳列左種種唔同嘅甜點！Photo from Presslogic

Photo from Presslogic

Photo from Presslogic

雖然呢個叫繽紛狂想曲嘅下午茶派對嘅甜點真係超級鼎盛，但都唔少得有鹹點嫁～
Photo from Presslogic

鹹點分別有藍莓紅酒乳清芝士法國麵包、紅菜頭露荀芝士多士、松露蘑菇酥同蟹肉魚籽墨汁多士～Photo from Presslogic

松露蘑菇酥係超香口超惹味之選，出面烘得香脆，咬開入面包住滿滿嘅松露同蘑菇～大滿足！Photo from Presslogic

小編最愛呢個藍莓紅酒乳清芝士法國麵包，上面嘅藍莓同芝士真係perfect match，芝士香滲出陣陣嘅藍莓果酸，再配埋個鬆軟麵包真係好好味～

然後重點嘅甜點要來了！！！！！！！甜點有草莓忌廉薄荷茶啫喱、甜薯忌廉泡芙、櫻花馬卡龍、玫瑰覆盆子蛋糕、柚子綠茶慕絲酥餅、藍莓芝士蛋糕、南瓜cupcake同荔枝覆盆子蜜糖啫喱～
Photo from Presslogic

櫻花馬卡龍外層焗得好香脆，中間夾住帶陣陣櫻花香味嘅果醬餡，真係一試難忘～

仲有細細粒嘅甜薯忌廉泡芙，入面唧左滿滿嘅甜薯餡，香濃超可口～真係好想食哂4粒啊！

荔枝覆盆子蜜糖啫喱係超清新嘅甜點啊，食落有陣陣嘅荔枝清香～好好味啊～Photo from Presslogic

你以為咁就完了吧，如無意外？除左以上咁多個一口size嘅甜品之外，仲有一整個花球派對蛋糕嫁！入面係草莓味嘅戚風蛋糕，超鬆軟超好味啊！
Photo from Presslogic

Photo from Presslogic

Photo from Presslogic

仲未完仲未完！仲有一人一個柚子梳乎厘啊～柚子味道真係清香撲鼻，配埋呢個外層焗至金黃色帶煙煙韌韌口感嘅梳乎厘真係超香超好味啊！另外必點呢個特製雲呢拿醬，超香雲呢拿味～夾埋一齊食真係好好味啊！
Photo from Presslogic

最新仲有推出可以單點嘅花漾蛋糕，每一種上面都唧上用白腰豆蓉同牛油忌廉整成嘅立體花！真係好靚啊～食落唔會好似平時啲糖膠咁咁甜～花漾蛋糕仔就有榛子口味、抹茶口味、同海鹽芝士口味！
Photo from Presslogic

海鹽芝士蛋糕一食落就係超軟滑細膩嘅芝士味，而且因為有鹽味嘅調和所以芝士味真係濃而不膩～成個味道好充實好幸福啊嗚～
Photo from Presslogic

抹茶個款係有個Tiffany blue嘅啫喱蓋係面層，切開入面見到濕潤帶綿密口感嘅香濃抹茶～真係又睇得又食得！
Photo from Presslogic

身為朱古力控你又點可以錯過榛子朱古力～朱古力味濃郁，中間帶榛子嘅陣陣香味！正啊！
Photo from Presslogic

身為甜品控無甜品不歡嘅小編食完真係大滿足～真係開心到媽媽都唔認得！呢個最新嘅下午茶tea set暫時去到下年2月都會有～快啲拉埋朋友過大海過番個屬於少女嘅下午啦！

另外，CHA BEI除左下午茶之外，仲有各款嘅午餐同晚餐提供，以輕食為主～外型又靚又好味！快啲黎試下啦！

Photo from Presslogic

Photo from Presslogic

Photo from Presslogic

CHA BEI
地址：澳門路氹城「澳門銀河™」1樓1047號舖
電話：(+853) 8883 2221
營業時間：
星期一至四 1200～2100
星期五至日 1200～2200

下午茶派對 - 繽紛狂想曲
價格：528 MOP/兩人份 （*價格需加收10%服務費）
供應時間：1500～1800

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載