掃街掃到去澳門 官也街痴什摩好呢！吃吃吃不完嘅甜品～焦糖蛋竹炭脆筒

去到澳門，除咗食葡國菜，其實掃街都一樣好正㗎！今次小編就去咗氹仔官也街嗰頭食好野喇～睇下有咩食先！

豬扒包同葡撻就成日食㗎喇，今次就食下其他野先！

Photo from PressLogic

1.世記咖啡

Photo from PressLogic

首先喺官也街入口對出有一間叫世記咖啡，超多人喺入面！其實都已經好出名，但係由於小編係每次去澳門都一定要食，可想而知小編有幾熱愛，in case有朋友未食過，小編就再介紹下喇！

小編覺得必食嘅有鹹牛肉厚蛋多士～個蛋係超！爆！厚！見到都開心～

Photo from PressLogic

另外有呢個花生奶油方塊～Oh My Gosh！呢個簡直係天堂，真心男女都會鍾意，一粒粒奶醬多切埋俾你，幾方便！仲要係都幾大粒，細口小編要開到個口勁大先食到哈哈～外面仲有一粒粒好脆好似威化餅咁嘅脆脆～

Photo from PressLogic

口渴就一定要試埋佢嘅香滑奶茶喇～是好香茶味的！

Photo from PressLogic

地址：氹仔舊城區消防局前地1號地舖

2.檸檬車露

Photo from PressLogic

呢間又係必食嘅雪糕店喇～佢係賣意大利雪糕Gelato嘅，好多口味可以揀㗎！小編當日就買咗兩杯，每杯兩隻口味。首先就有呢杯粉色系棉花糖味加上金莎味～

Photo from PressLogic

棉花糖味甜甜地，絕對唔會太甜，不過小編覺得都係偏向用黎呃like多啲哈哈～金莎味其實即係帶點榛子味，都是不錯的～

之後呢杯就係小清新，招牌檸檬車露味同少見啲嘅Mojito味喇！檸檬車露味好明顯就係檸檬味喇，酸酸地又幾開胃窩～

Photo from PressLogic

小編超鍾意飲Mojito，做成雪糕又唔錯窩，酸酸甜甜咁，幾特別！

地址：澳門氹仔舊城區地堡街115號J鋪

3.土耳其雪糕

Photo from PressLogic

我知道，我知道去澳門食土耳其雪糕係好似無咩代表性。但其實都幾好玩啊～咪當係食到悶悶地，搵啲野搞笑下～有兩款口味選擇，牛奶同朱古力。

Photo from PressLogic

土耳其雪糕食落質感比較黏同煙韌，其實都值得一試。小編成日諗個土耳其哥哥下下都要咁樣玩啲客人，不累嗎？

地址：澳門氹仔官也街

4.DIGREEN Macau澳門滴果林

Photo from PressLogic

呢間應該未必聽過，有焦糖蛋竹炭脆筒食㗎～ 竹炭黑色嘅脆筒，入面有啲切開咗嘅雪條，上面再放入焦糖蛋。雪條仲可以揀口味添，小編就揀咗黑糯米喇！

Photo from PressLogic

地址：澳門氹仔告利雅施利華街58號地下（官也街巴士站）