建築大師高迪色彩繽紛嘅作品去德福廣場有得睇！

去旅行嗰陣見到D好靚好有特色嘅建築物，你都會忍唔住影低佢，所以話建築藝術都好受歡迎，今個聖誕唔使衝出香港都可以欣賞到建築鬼才高迪嘅作品，將最具代表性嘅建築完美仿製出嚟，真係十足十去咗外國咁㗎～ 

Photo from 德福廣場

19-20世紀鬼才建築大師安東尼．高迪（Antoni Gaudí）係西班牙首屈一指嘅現代主義者，佢嘅建築有好強烈嘅個人風格，顏色亦都好豐富，德福廣場將高迪最具代表性嘅作品「帶」嚟畀香港人欣賞，喺一期中庭嘅展覽區由奎爾公園同埋米拉之家湊合而成，場內仲有好出名嘅馬賽克蠑螈同埋蛇形長椅，梗係要同佢地影相啦！呢度比西班牙好嘅就係同一個場地可以睇埋米拉之家屋頂嘅騎士煙窗，兩者擺埋一齊零違和感。 

Photo from 德福廣場

Photo from 德福廣場

大型仿建巴特羅之家座落廣場二期，建築風格同奎爾公園好唔同，記得行去窗口影相，因為窗口嘅柱係模仿骷髏形狀，紋理好特別，而頂部波浪形嘅屋頂都大有來頭，漸層色嘅磁磚組成著名嘅龍脊形態，充滿宏偉感覺。

Photo from 德福廣場

建築內部就係焦點所在，場內展出13件高迪建築模型以及珍貴文物，包括聯合國教科文組織列入「世界文化遺產」的巴特羅之家（Casa Batllo）、科洛尼亞奎爾(Colonia Guell) 及聖家堂（Sagrada Família）等建築模型。 

Photo from 德福廣場

Photo from 德福廣場

Photo from 德福廣場

小編推介各位文青睇下高迪用過嘅工具，原來呢D咁傳奇性嘅建築物，係用呢D工具創作出嚟，特別係呢個手工製3D視覺眼鏡，高迪用佢睇3D效果嘅相同草圖，過百年嘅展品保存得相當好，令大家可以更仔細去了解歷史，補充一下精神食糧。 

Photo from 德福廣場

Photo from 德福廣場

Photo from 德福廣場

建築其實唔一定只係靜態欣賞，展覽都與時並進，高迪展覽博物館及巴特羅之家提供兩段最新高迪作品VR導賞片段畀香港觀眾率先欣賞，呢個高迪展覽係亞洲首個官方認可多媒體作品展覽，平時可以欣賞建築藝術嘅機會真係唔多，真係要趁機會帶眼睛去行！ 

Photo from 德福廣場

為咗慶祝聖誕，廣場除咗帶大家睇建築藝術，仲準備咗一連串充滿即日氣氛嘅活動，好似有樂隊表演、莎莎舞大派對同埋工作坊等等，等大家沉醉喺歐洲風味過一個藝術性滿分嘅假期！ 

Photo from 德福廣場

「高迪築‧跡」德福廣場馬賽克聖誕  

日期: 2017年11月12（星期日）至2018年1月1日（星期一）  

時間: 12:00nn – 10:00pm  

地點: 九龍灣德福廣場一期中央展覽場及二期中庭  

Text: Holiday editorial

*本文章的圖片均經其本人或其公司授權，其他媒體不得轉載