平民抹茶控注意！OK便利店抹茶雪糕四小龍大比拼！到底邊個先係茶中最強呢！？

喂喂喂～各位朋友～平時有冇食開便利店嘅抹茶雪糕呢？
其實平平地嘅都幾好味～唔使日日食成嚿水嘅大店啵！
又唔知係咪真係日本正貨嘅～係咪先～
而以下呢四款係小編精心挑選，相信一定迎合到大家口味～
價值亦相對便宜，至於邊款先係最好食～就拉落去比較下啦～

今次大比拼參賽者分別有：贅沢最中宇治抹茶紅豆味雪糕餅、井村屋抹茶紅豆白玉雪糕、井村屋黃金字治金時雪條及井村屋伊勢抹茶最中雪糕餅。

一）井村屋抹茶紅豆白玉雪糕　$16.9/件

Photo from PressLogic

Photo from PressLogic

外面賣相係同預期中一樣，不過開蓋時就見唔到明顯一粒粒嘅白玉麻糬～
麻糬口感煙韌，帶有微微糯米香～配上幼滑嘅紅豆醬同香甜抹茶奶雪糕，過癮呀！

口感：＊＊＊＊＊
抵食：＊＊＊
茶香濃度：＊＊＊
（每項最高為5粒星）

二）贅沢最中宇治抹茶紅豆味雪糕餅　$27/2件

Photo from PressLogic
Photo from PressLogic

外層出奇地留有幾分脆，食落感覺茶香飄飄，清幽沁人，內層有粒粒紅豆增添口感～
幾秒後帶有淡淡甘澀，而且牛奶味淡，鍾意原汁原味茶味濃嘅朋友一定好喜歡～

口感：＊＊＊
抵食：＊＊＊＊＊
茶香濃度：＊＊＊＊
（每項最高為5粒星）

三）井村屋伊勢抹茶最中雪糕餅　$17.5/件

Photo from PressLogic

Photo from PressLogic

採用著名日本伊勢抹茶及北海道小豆泡製，可謂井村屋誠意之作，而且是獨家新品，得OK有得食，加分～
只看賣相已覺澎湃！一開，抹茶香氣隨即散發，且入口即溶，甜度適中，濃味但不澀口，大大件，正呀！

口感：＊＊＊
抵食：＊＊＊
茶香濃度：＊＊＊＊＊
（每項最高為5粒星）

四）井村屋黃金字治金時雪條 $15.9/件
Photo from PressLogic

Photo from PressLogic
被稱為井村屋「地表最強紅豆冰」的宇治金時雪條，搭配顆顆飽滿的紅豆～好滋味呀～
選用日本十勝紅豆及京都宇治抹茶製作，甜滋滋又冰凍消暑，冬天食簡直是挑戰人體極限！

口感：＊＊＊
抵食：＊＊
茶香濃度：＊＊＊＊
（每項最高為5粒星）

Photo from PressLogic

後感：其實小編本身就最鍾意井村屋抹茶紅豆白玉雪糕～因為自己鍾意食甜，而且佢口感真係好豐富，奶味比較重，茶味較弱～所以會選佢係我的最愛呀！
不過相信好多朋友都鍾意茶味濃，咁其他兩件雪糕餅都係好選擇呀！至於想消暑就食雪條啦～一樣正呀！

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

＊若分享內容有侵害您的圖片版權，請來信留言告知，我們會及時加上版權信息，若要您反對使用，本著對版權人尊重的原則，會儘速移除相關內容。