新北再一塊吧 花生醬控+蛋控要失控喇 芝士瀑布肉蛋吐司 + 花生醬瀑布拉芝吐司

台灣美食多就係人都知㗎喇，今次介紹嘅並唔係滷肉飯、蚵仔煎呢啲普通嘢，而係文青也瘋狂嘅花生醬同蛋嘅組合喇！睇下有幾吸引先！

首先有呢個招牌「熔岩花醬肉蛋吐司」，小編見到之後真心覺得好邪惡，係真。邪惡今次！肉蛋吐司烘底，精髓在於嗰pat芝士醬瀑布...相信食咗第一啖會有世間係美好㗎！嘅感覺。

Photo from 再一塊吧官網

如果跟餐嗌，會配有機蔬菜盒、薯條、當日濃湯同飲品，咁樣都只係港幣六十幾蚊咋！

Photo from 再一塊吧FB專頁

再黎不得不介紹嘅係穩居佢地排行榜第一嘅「花生岩漿吐司」。我的天！普通法式多士就食得多喇，到底呢款又有咩特別呢？見到上面滿到瀉嘅花生醬加煉奶已經覺得吸引喇，玄機就係下面！多士切開咗一條條過你，仲要！見唔見到，係拉芝㗎媽咪！！！！！真係好想食！只係賣港幣21左右咋！

Photo from 再一塊吧FB專頁

再黎一個小編覺得比較特別啲嘅係「花生醬牛肉培根起司堡」。花生醬配多士就成日見，但係花生醬配漢堡又真係幾特別嘅。甜甜地嘅花生醬配上牛肉同煙肉嘅鹹，鹹鹹甜甜咁，正啊！畫龍點睛嘅原來仲有一塊塊嘅奇異果添！層次口感豐富之餘，仲即刻無咁膩啊～

Photo from 再一塊吧FB專頁

俾個側面你睇睇先～

Photo from 再一塊吧FB專頁

邪惡完畢，黎個「田園豬排三明治」喇！有非常厚切豬扒、生菜、番茄片、芝士，另外配薯條同飲品咁囉～賣港幣55左右～

Photo from 再一塊吧FB專頁

黎緊去台灣嘅朋友，可唔可以打包俾小編....

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載