手搖飲品新寵兒 超香濃芝士奶泡 清新水果茶 竟然仲有有珍珠奶茶？

小編想問下大家有無咩手搖飲品店好推介，飲黎飲去都係咩茶、咩咩咩茶同茶咩咩。小編今日就想同大家分享下，係分享下，平時可能只會留意佢地最出名嘅爆谷雪糕，忽略咗其實原來飲品都係不錯㗎嘅Sweet Monster喇！

機緣巧合地試到佢地新推出嘅飲品系列-芝士奶泡咩咩咩、奶茶同水果茶。首先講下大眾口味奶茶先喇，小編試咗黑糖珍珠奶茶。飲落係清新嘅feel，黑糖唔會落得太多唔會死甜，係珍珠奶茶帶點黑糖味。

Photo from PressLogic

而芝士奶泡一共三款口味，咁sharp嘅呢杯就係紫薯芝士奶泡喇！

Photo from PressLogic

啖啖紫薯嘅香味，小編就唔係紫薯fan屎喇，不過相信喜歡紫薯嘅朋友會好喜歡嘅。想講下佢個奶泡，同平時飲開嘅好唔同，雖然一樣都係鹹鹹地咁，但係佢個鹹係好自然，唔會覺得格硬，一飲落去先係奶泡嘅鹹，之後就係紫薯味湧出黎，成件事會係夾嘅。

呢杯黃黃地嘅係估佢唔到咁夾咁好味嘅芒果檸檬芝士奶泡，呢杯超真心推介，事關如果係平時行開，睇見呢個名，小編係絕對絕對唔會嗌黎試嘅，又芒果又檸檬又芝士咁，唔好芒果飲品嘅小編今次飲咗真係改觀。

Photo from PressLogic

一樣都係先飲到芝士奶泡嘅味，驚喜嘅係後期湧出黎嘅一股清新，雖然唔係好明顯飲得出係檸檬，但十成十都係多得個檸檬帶出清新嘅感覺㗎喇～

白色嘅呢杯係好蝦人飲嘅椰子拖肥芝士奶泡，鍾意飲椰子水同椰奶嘅小編就好喜歡，而且仲有少少椰絲幾有咬口㗎～呢杯相對黎講係偏甜咗啲啲嘅，不過勁食得甜嘅小編就覺得可以接受哈哈～

Photo from PressLogic

如果覺得以上嘅芝士奶泡系列會太飽肚，想fresh啲嘅感覺，可以試下水果茶，都一樣正㗎！一共四款，唔同嘅水果配唔同嘅茶底。

粉紅色嘅呢杯女士們應該會好喜歡嘅，就係玫瑰花檸檬茶喇！見到上面啲玫瑰花瓣粒都已經好興奮，好高貴嘅感覺～

Photo from PressLogic

男士都會喜歡嘅有西柚茉莉花茶，重點！兩大塊西柚放埋入去㗎！雖然通常都唔會食埋，但係感覺好足料哈哈！

Photo from PressLogic

所以真係大眾之選、清新之選定係邪惡之選都有齊㗎！而且好似平時嘅手搖飲品店嘅，係有得儲印花換飲品同杯㗎～

Photo from PressLogic

而且啱啱先開始，太古城同銅鑼灣分店仲同好出名嘅餅店sift desserts大玩crossover，限定推出咗三款甜品添！首先有馬卡龍，一款係普通造型嘅馬卡龍，特別啲cute啲嘅就係馬卡龍上面有一塊sweet monster造型公仔。

Photo from PressLogic

每日都唔同口味，小編去嘅當日就係朱古力同芒果喇～

Photo from PressLogic

另外就有佢地非常出名嘅cupcakes喇！一樣都有分有公仔同無公仔版本～

Photo from PressLogic

最後就係用黎打卡非常cute嘅糖霜曲奇棒～一支支曲奇棒上面有sweet monster公仔造型嘅糖霜，好睇又好食呢～

Photo from PressLogic

以上芝士奶泡系列飲品一律賣HK$28，水果茶同黑糖珍珠奶茶就賣HK$24，小編覺得當然唔算平喇，不過以呢個brand黎講，其實真係算係咁㗎喇。

*飲品喺各Sweet Monster分店有售；sift聯乘系列只於銅鑼灣店與太古城店有售

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載