新一年血拼組準備好大出血未？新年搶購2018日本福袋懶人包！搶福袋的你必須注意嘅幾點～

By 123testing on 28 Dec 2017

每年1月1日又係搶購日本福袋嘅日子！等小編為大家整理下2018年福袋同你必須注意嘅幾樣野啦～

無做過咩又已經係年尾12月了～不過12月係小編最期待嘅月份，因為各大日牌福袋又陸續推出！究竟點解會咁好賣呢？因為用低於平時價格多於一半就可以買到一袋衫番屋企～而大部份福袋類似巨型扭蛋，到打開嘅一刻先會知自己究竟抽左啲咩～充滿神秘感又好抵玩！Photo from Pinterest

以前有唔少品牌都會將倉底貨擺入福袋，但依家真係生意難做～大部分品牌都突登為左福袋設計一系列新嘅產品～上至衫褲鞋襪，下至食物，甚至家品碗碗碟碟、大牌咖啡都有福袋賣，實行係新年比大家血拼一番～

最原始嘅方法當然係係百貨公司門口排隊～去到每年嘅12月31號就已經會見到百貨公司外會有長長人龍通宵排隊搶購福袋～但醒目嘅大家一定要check清楚，有幾間百貨公司係1月2號先開始營業～小心一等就等足兩日啊！Photo from PARCO

記住要帶埋護照啊～因為部分福袋對遊客仲會實行免稅～一覺要唔覺意真係可以慳到近百蚊嫁！

除此之外，係12月呢啲時間各大嘅百貨公司其實都已經係網上面預售福袋嫁喇！所以睇岩就要碌下呢幾間百貨網站睇下幾時會有開賣喇，即使miss左第一輪都唔怕，因為大部分都會分階段發售嫁～而網上接受預訂嘅百貨公司包括有SOGO三越、、高島屋、東急、小田急等等！
Photo from SOGO Official Website

Photo from 伊勢丹 Official Website

Photo from 高島屋 Official Website

仲有以下呢幾個網址都有福袋預售嫁，包括：阿倍野Harukas、FASHIONWALKER等等～

有唔少品牌都會唔覺唔覺揭露少少福袋部份內容，驚自己中伏買一袋自己唔鍾意嘅衫番屋企記得要試下search「福袋中身ネタバレ」嘅關鍵字，咁就可以睇下心水品牌有無揭露下入面嘅產品喇～

如果真係不幸買左一大堆伏嘅話，係涉谷109就正正有個換物大會造就大家～雖然無任何主辦單位，但每年都會有呢個潛規則係涉谷109舉行呢個換物大會！話唔定可以搵到人同你換個心頭好番黎嫁！所以！！！如果真係唔想排隊買都可以去到個度買現成開左嘅單件甚至成個福袋嫁！
Photo from Pinterest

2018最搶手福袋

報告下2018年必入手嘅福袋先！

有錢都買唔到系列：MUJI 無印良品福袋
MUJI每年嘅福袋都係超熱門！不過朋友明年請早～事關今年嘅MUJI福袋只係接受網上預訂，係實體店係無得賣～而且仲要係抽籤決定，而參加抽籤早係岩岩12月14號就截止～嗚嗚！超日系嘅MUJI福袋真係好想要啊！

最實用系列：Afternoon Tea
分別有細size同大size兩款福袋～細size內容物有14件，而大size有18件～全部都係超級實用嘅餐具家品黎啊！買左番去一定會用得著！Photo from Afternoon Tea Official Website

Photo from Afternoon Tea Official Website

最抵買系列：Ingni 福袋（共12件或以上）
Ingrid每年都係最抵買之選嘅頭一位，皆因佢一個福袋入面又有齊12件或以上嘅產品～除番開每件真係70港紙都唔洗啊！
Photo from INGNI Official Website

最性價比高系列：Earth Music & Ecology （共10件）
只係需要¥10800就可以買到一共有10件item～仲要包括一件大褸～而且Earth Music & Ecology每年都會出三款唔同風格嘅福袋～可以依照自己平時買開嘅風格去選購福袋！
Photo from Earth Music & Ecology Official Website