手機影相都可以好專業！實試天貓淘寶手機鏡頭

手機功能愈來愈強大，好多人都索性為手機加上唔同配件，好似穩定器咁用來拍片，咁影相又點呢？坊間已經有唔少手機影相的配件，唔想太破費？今次就等小編試下淘寶貨的質素啦！

一般大家影相不外乎講究幾樣功樣，今次就喺天貓淘來手機廣角鏡、三款濾鏡同長焦距鏡頭，已經足夠應付好多想影的場景！

Photo from Presslogic

至於模特兒方面，我地就搵來超型的渣古 (如果有靚女做model的話當然更好)，大小大概只有兩三個手指頭嘅高度。

Photo from Presslogic

三種配件都係以夾的方式套上手機鏡頭，帶出街同用起上來都好方便，首先等我地試下廣角鏡效果先：

原圖

Photo from Presslogic

加上廣角鏡後：

喺同一距離下，加咗廣角鏡之後明顯拍攝多左好多環境，連studio後面的佈景都睇到，效果唔錯！

Photo from Presslogic

然後到長焦鏡，我地行到studio盡頭咁影，可以由畫面睇到渣古變到一粒豆咁細：

Photo from Presslogic

喺裝上長焦鏡同一距離下，渣古即刻大咗好多呀！啱晒用來影遠影，就算大家冇帶專業相機的長鏡頭，呢個長焦鏡都夠一般遠距離拍攝。不過較唔方便既係需要手動對焦，而且當然裝上長焦鏡頭，抖動感會大增，建議再加穩定器用。

Photo from Presslogic

最後到三款濾鏡，你可能會問濾鏡有咩用呢？呢三款漸變式濾鏡唔只單純調色，因為漸變色的關係，可以調較角度套入唔同場景，例如影黃昏日落嗰時想令天空更紅就可以用到。

Photo from Presslogic

而影天空相時，陽光太強，曝光太高時就可以用灰色漸變鏡，將光度調低。建議濾鏡可以配合廣角鏡用，效果更加明顯！

Photo from Presslogic

最後影燈飾或者風格相就可以用紫色濾鏡，可以增加迷幻感架！

Photo from Presslogic

呢啲配件鏡頭都係由天貓淘返來，價錢由$50-$200～不等，價錢都好平，對於鍾意用手機影相的朋友會係唔錯既選擇，長焦鏡就最貴，有興趣既朋友可以上去睇下！

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載