【小編實試】通往藍色情人橋走上大頭洲～欣賞海天一色嘅景致！

黎到石澳，好多人都會去彩色小屋打卡，式者行下石澳沙灘，但其實有一個被遺忘嘅地方好少人去，就係大頭洲！

Photo from Presslogic

大頭洲係一個好好嘅行山好去處，亦係香港其中一個觀浪熱點，有香港「海角」之稱，重點係岩晒懶人，唔影相直行上山，唔洗半個鐘就完成，輕輕鬆鬆就可以欣賞到海天一色嘅景致，而且以石路為主，非常易行。

Photo from Presslogic

入到石澳迴旋處，同入彩色小屋相反方向走去，沿著一條上斜路走到盡頭，就會見到有小路可以落去，落完樓梯就會到達今次嘅目的地，大頭洲。

Photo from Presslogic

大家係正式行山前，可以先觀浪，有好多人都會走出去岩石上面影文青相架，但記住小心行呀！

Photo from Presslogic

Photo from Presslogic

大頭洲位於位於香港島東南面，係石澳對出的一個海島，再繼續前行就係非常出名嘅出名嘅藍色行人橋連接，又名「情人橋」，連接住大頭洲，大家可以打打卡先，最緊要係人唔多，點打卡都冇問題！

Photo from Presslogic

正式行入去，係入口處會有兩條山路，而兩條都係同一個目的地。其實一直行都會有唔少分岔路，只係兩邊影嘅景色都有分別，但終點都係一樣，大家唔洗擔心。如果想影多D景，不妨上同落行唔同路。

Photo from Presslogic

Photo from Presslogic

中間有唔少位置都係好好嘅打卡地，由於大頭洲地處於香港嘅東面，受東北信風影響，島上有好多奇岩異石，岩晒你坐上去影文青影啦！

Photo from Presslogic

話咁快唔洗半個鐘已經上到黎，以後再冇行山又耐又辛苦嘅藉口啦！

Photo from Presslogic

Photo from Presslogic

週末同朋友，情人，屋企人黎行下就岩，大家只要搭地鐵去到筲箕灣站，再去A出口巴士總站搭新巴9號，或者係峻峰花園小巴總站搭專線小巴，唔洗30分鐘，就可以直達石澳。係石澳總站落車，再沿住旁邊石澳村馬路行入去就係石澳啦。

Photo from Presslogic

石澳大頭洲
交通：1.筲箕灣地鐵站A出口搭新巴9號巴士，約隔15分鐘由筲箕灣巴士總站開出，石澳為總站，車程約半小時
2.筲箕灣地鐵站A出口，係峻峰花園小巴總站搭小巴

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載