滿滿士多啤梨要收成了！野生捕獲手大大粒日本種士多啤梨～手心咁大嘅士多啤梨啊嗚，白色士多啤梨淡雪都有～大棠兩大草莓園！

又到士多啤梨滿開收成嘅季節喇～今次小編帶大家黎到元朗兩大草莓園！一個就有超多款日本種嘅士多啤梨比你瘋狂任摘，另一個就比較岩一家大細去可以BBQ埋，仲有好多款其他蔬菜可以摘番去嫁！Photo from Presslogic

1. 任摘極多款日本種士多啤梨

只要去到登記就可以拎到一份工具嫁喇，包括一個籃仔同埋較剪～拎好工具就可以隨時出發了！
Photo from Presslogic
Photo from Presslogic

呢度係免入場費，可以係呢個園度任摘各種唔同日本種嘅士多啤梨～ 種類真係超級多啊！包括有以下5款～Photo from Presslogic

熊本縣 紅臉頰
大大粒，係特別鮮明嘅鮮紅色～甜味會比酸味較出啊！Photo from Presslogic

福岡縣 博多甘王
福岡縣特產黎嫁～話明係甘王，又大又圓真係超級甜啊！而且咬落會特別多汁～小心噴汁啊！Photo from Presslogic

靜岡縣 章姬
形狀會係長錐形～草莓肉會相對柔軟，食落有陣陣芳香甘甜味！Photo from Presslogic

佐賀縣 穗之香
呈水滴形，形狀比較的骰！好可愛啊！而顏色會相對淡，有獨有嘅清香甜味！Photo from Presslogic

奈良縣 淡雪
就連呢個賣到斷哂市係各大超級市場賣到幾百蚊一盒嘅白色士多啤梨都有啊！
Photo from Presslogic

另外咁岩過左葡萄盛開嘅日子，如果唔係仲可以摘埋一大抽提子番去啊！所以暫時都要再等下先可以摘到提子食啊～Photo from Presslogic

摘完就可以拎去磅喇，counter仲會有大大條超甜粟米可以買tim～Photo from Presslogic

朗屏士多啤梨葡萄園
地址：大棠村牌坊內球場旁邊 （朗屏西鐵站轉K66巴士 - 往大棠方向，大棠村落）
電話：9251 8926 / 6875 7169
價錢：免入場費 士多啤梨 $80/磅

2. 全園滿開大大粒士多啤梨 超多款蔬菜任摘

呢個農場真係整得好靚好舒服嫁～除左可以摘士多啤梨，仲有超級多款其他蔬菜可以摘到，包括蘿蔔、椰菜、芫茜、蕃茄、羽衣甘藍、熱情果都有嫁！Photo from Presslogic

呢度摘士多啤梨就會比較以上嘅士多啤梨園少人，所以會比較多收成可以比你慢慢揀啊！
不過呢度就得一款，係奈良縣嘅大紅寶石！真係好大粒啊！鮮香味撲鼻～
Photo from Presslogic

Photo from Presslogic

同埋呢度真係整得好靚嫁！岩哂一家大細黎啊，小朋友一定好鍾意！

除此之外，呢度仲可以BBQ嫁～成人平日都只係$130一位；小朋友$65一位，就可以任食仲可以係呢個場任玩！
Photo from Presslogic

開心花園農莊
地址：大棠山道大棠山咀往大欖郊野公園方向 （朗屏西鐵站轉K66巴士 - 往大棠方向，大棠(回旋處)站落 步行約5-10分鐘）
電話：9139 5008
價錢：入場最低消費 $20/位
如BBQ/摘士多啤梨可免入場費 士多啤梨 $80/磅 蔬菜 $45/斤

溫馨提示：親親大自然之前，一定一定要噴定蚊怕水啊！

*價格可能會因品種不同而有不同價格

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載