國內比賽節目《歌手2018》真。名單出爐！Jessie J、張韶涵同JC都有份～

前名《我是歌手》嘅大陸比賽節目《歌手》，最新名單終於出爐！
琴日大會就係微博POST左部分參賽歌手嘅官方海報～
呢個節目捧紅左唔少歌手，好似GEM咁就因為《我是歌手2》而係國內爆紅！
黎到第6季，卡士一季勁過一季～但第一集要到1月12號先有得睇～
依家就先同大家睇下有咩看點啦！

每一季都總會有香港歌手參與，好似上一季《歌手2017》就有側田、杜麗莎等的～
令到呢個節目係香港都有唔少話題性！
不過係今季出爐嘅名單入面雖然有兩個香港人，不過就咁睇名相信大家都唔知係邊個。

第一個就係張天，雖然資料寫佢係香港人，但係網站上面幾乎搵唔到佢嘅資料，無出過專輯亦都無知名度，神秘到爆！
唔知呢個係咪主辦單位嘅策略呢？
第二個就係陳詠桐，即係黎明旗下嘅歌手JC！雖然JC產量唔算太多，不過小編睇好JC嘅實力，希望可以成為下一個GEM啦！

Photo from 湖南衛視歌手微博

另一個看點就係英國歌手Jessie J！
今季亦係主辦單位第一次邀請到當紅嘅歐美歌手黎參賽，認真厲害，而網上消息就話佢係第一集已經取得第一名～
不過人地山長水遠黎到！都要比下面嘅～希望唔會咁快就走啦～

Photo from 湖南衛視歌手微博

至於今季嘅台灣代表就好勁～之前都有請到獅子合唱團、徐佳瑩等等！
今次就請到百變天后張韶涵！
佢更加係第一集唱出自己嘅歌曲「夢裡花」～好期待佢嘅表現呀！

Photo from 湖南衛視歌手微博

國內代表又有邊個呢？
今次幾新鮮嘅就係請到《中國有嘻哈》嘅冠軍GAI黎參賽！
佢最拿手嘅就係佢嘅四川方言RAP～但佢竟然係第一集唱廣東歌《滄海一聲笑》！
唔知Rapper走上歌手舞台會刷出咩火花呢？

仲有其他強勁嘅人馬好似汪峰、逃跑計畫、薛之謙咁～
相信一定會製造唔少話題呀～十分期待！

Text: Holiday editorial
（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載