《前前線》走訪盧旺達、科威特等幾個前戰事前線，睇古蹟玩盡海陸空！

聽到「戰事前線」四隻字，大家都會卻步，畢竟睇開新聞成日會見到呢D地方好混亂，四周圍好荒蕪，又成日槍林彈雨咁，其實呢D地方已經「重生」，好多地區仲成為旅遊景點，小編唔係隨口講㗎～

ViuTV旅遊節目《前前線》決定帶大家走入車臣、盧旺達、斯里蘭卡等地，探索一下呢D大家覺得好危險嘅地方有咩值得體驗嘅民情。主持人陳安立同李敏出發之前都為自己買多份保險，不過去到之後發現都係虛驚嚟㗎姐～

Photo from ViuTV《前前線》

第一站佢哋到訪曾經戰火連連嘅車臣，原來游擊隊曾經匿藏嘅山區，依家已經係旅遊熱點，兩位主持人即場體驗飛索，再去小型賽車場玩賽車，去車臣做車神！

ViuTV《前前線》

Photo from ViuTV《前前線》

波斯尼亞曾經係波斯尼亞戰爭嘅慘烈戰區，市內大部分經典都同戰爭有關，不過呢度充滿歐洲同土耳其feel，所以都有唔少旅客，想好好欣賞日落？去墳場啦～

Photo from ViuTV《前前線》

Photo from ViuTV《前前線》

Photo from ViuTV《前前線》

黎巴嫩嘅首都貝魯特有「黎巴嫩巴黎」嘅美譽，經過多年重建，呢度都開始漸漸恢復當年面貌，好多地區都依然可以欣賞到羅馬時期嘅建築，隨便影都好有feel～除咗靜態，喺黎巴嫩仲可以玩滑翔傘，最適合鍾意刺激嘅朋友，仲可以將市內景色盡收眼底！

Photo from ViuTV《前前線》

Photo from ViuTV《前前線》

Photo from ViuTV《前前線》

斯里蘭卡9年前內戰完結，依家已經回復和平，不過旅客唔算多。喺呢度可以深入了解佢哋嘅宗教同習俗，原來佢哋會掟椰子許願，掟一掟壓力都可以釋放，爽呀～～

Photo from ViuTV《前前線》

Photo from ViuTV《前前線》

至於東部嘅亭可馬里以前係發生激戰之地，現今已經係陽光與海灘嘅勝地，仲可以玩好多水上活動，真係估你唔到～～

Photo from ViuTV《前前線》

節目仲去埋科威特同盧旺達等等地方，呢D你一世都唔會諗過會去嘅地方實際上係點？可以留意番節目播出！
《前前線》
播出日期：2018年1月16日起 逢星期二 晚上10時30分
Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載