那些年一齊睇過嘅日、台劇 心動劇情 經典重溫 好懷念丫！！好青春呀！！

新年悶悶地梗係把握時間煲劇啦！新劇未出哂唔想追？咁就同小編一齊重溫那些年睇過嘅經典日、台劇啦！差唔多套套一講個名，首主題曲就係個腦到自動播放～

講左台劇先啦～台劇都以愛情類為主，所以一講起套劇，就會有男女主角嘅經典場面浮出嚟～
《海派甜心》(2009)

相信大家對「驚世駭俗 醜不拉嘰 香菇頭」一啲都唔陌生！呢個對「寶茱姐」忠心一片嘅「達浪」可愛又傻氣，令人不自覺入坑～

就算自己唔勁，都搏哂命救「寶茱姐」，感動到呢～雖然得14集，有啲短，但真係值得一煲再煲～
「愛～是不可數的嗎～為何我還相信～他不是獨行俠～」

《命中注定我愛你》(2008)

因為一個意外俾BB挷埋一齊，之後再日久生情，認定彼此。陳喬恩嘅演戲實力，大大粒嘅眼淚，都帶動住觀眾嘅情緒。

經過咁多次離離合合，「第一次是偶然，第二次是必然，第三次是命中注定」呢句經典台詞就係講緊佢地喇~

《惡作劇之吻》(2005)

坦率可愛嘅湘琴同天才冰山直樹之間嘅愛情故事，有時心酸有時甜蜜，令人不自覺追落去~

由湘琴表白失敗，到同直樹結婚，就好似一齊見證住童話故事嘅誕生咁~
一聽到「能不能再靠近一點點~大聲說出你所有感覺~別再緊緊關在只有自己的世界~溫暖太陽為你迎接~」就會諗起越挫越勇嘅湘琴有幾可愛！

台劇講到咁上下，就講下日劇啦~
《金田一少年事簿N》(2014)

呢一套會新啲，就係《金田一少年事簿neo》。《金田一》嘅系列由堂本剛到山田涼介都好受歡迎嫁~

「賭上爺爺嘅名義」同埋「謎團全部都解開了」真係好經典，集集必會出現嘅金句。

《求婚大作戰》(2007)

「哈利路亞 Chance」係咪回憶翻哂嚟呢？健一為左追翻青梅竹馬，一次又一次翻過去，希望可以挽回。係喺現實入面個個都想做到嘅野，所以當佢成功嘅時候，真係好替佢開心！

《Mr· Brain》(2009)

呢套可能大家唔太熟悉，但係係推理查案類型，仲要係一代男神木村拓哉同可愛女神綾瀨遙主演，所以真係好吸引~

木村喺劇入面成日整蠱綾瀨遙，兩個人嘅互動真係好可愛~

希望呢啲經典可以陪你地過個開心嘅新年啦~

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic