西遊記變成韓劇會點？悟空與三藏的甜蜜愛情故事！劇情懶人包～

最近大熱嘅韓劇《和遊記》（又名花遊記），岩岩就係星期日就播出左第十集啦～
劇情去到一半已經甜死觀眾！
如果你心思思睇唔睇好～小編就整個懶人包比大家！
等大家做好心理準備煲劇啦～

「三藏」陳善美（吳漣序飾）

陳善美從小就有陰陽眼，成日見到惡鬼，
有次無意中受到牛魔王嘅指引，遇上被困係「五指山大宅」嘅孫悟空，悟空就求善美吹熄屋入面嘅五指蠟燭放佢出黎。
善美就表示要悟空答應以後佢一叫悟空個名，就即刻出黎保護佢先放佢出黎，悟空為左自保就同三藏定下契約！

孫悟空（李昇基飾）

古惑嘅悟空一出返黎就即刻抹走善美嘅記憶，令到二十五年後已經長大嘅善美都無辦法叫得出悟空嘅名！
有次佢地偶然遇上，悟空得知善美原來就係傳說中食左可以功力大增嘅「三藏」！
但因為有契約在身令到佢無辦法傷害善美，於是佢就千方百計希望善美可以解除契約，將善美食左落肚。

牛魔王（車勝元飾）

於是牛魔王出手幫助善美，送左一個金剛手鐲比善美，表示只要悟空帶上之後佢就可以控制悟空。
當悟空真係帶上金剛箍之後，金剛箍就開始綁住悟空個心！
原來金剛箍入面有愛情咒，只要帶上就會愛上金剛箍嘅主人～
於是悟空就不能自控咁愛上左善美，成日忍唔住要保護佢，每次一諗起要食左佢就會心痛流眼淚。

豬八戒（李洪基飾）

但悟空無放棄過食善美落肚，雖然佢處處為善美著想，但亦都成日希望善美可以除左手上面嘅金剛箍～
善美就好失落，因為佢地朝夕相對已經產生感情～
但悟空中意佢只係因為金剛箍嘅原因，睇到小編心都痛埋呀！

沙悟淨（張光飾）

善美就開始用好多方法去測試悟空係咪真心中意佢，
第十集就講到金剛箍竟然換左新主人，咁究竟悟空係咪真心中意善美呢？
就要睇埋落去喇！

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載