HK$4.5一包薯片～日本價錢超抵超市～分店遍佈全日本

通常喺香港買日本零食、飲品都唔算平，去日本就會大手掃入，不過原來日本有間商品價格特別平嘅連鎖超市，幾蚊就買到香港十幾蚊嘅日本版飲品同零食～去到日本點可以唔去行下呢！

呢間業務超市（業務スーパー）分店遍佈日本，主要賣食品、零食、飲品、調味料、食材等，係日本主婦都會成日去嘅超市嚟，最適合啲識慳識儉嘅窮遊旅人！

Photo from Twitter@酒のケント&業務スーパー三条河原町店

入到去好似同一般超市無咩分別，但望一望價錢就知，一包薯片連稅先60日圓（約HK$4.5)，喺香港買日本版薯片都差唔多要十蚊以上～

Photo from Twitter@酒のケント&業務スーパー三条河原町店

桃哈多都係70日圓到（約HK$5.3)，真係幾平下，買返酒店當宵夜都好！

Photo from Twitter@酒のケント&業務スーパー三条河原町店

咁大包日本版卡樂B蔬菜條都係74日圓（約HK$5.5)，又大包又抵食╴買返香港自己慢慢食又得，買畀朋友當手信都得～

Photo from PressLogic

平時喺香港見到嘅午後紅茶、生茶都要8蚊至18蚊到，去到日本撳自動販賣機都要120日圓以上，但喺業務超市先大約85日圓（約HK$6.2)，真係幾抵飲～

Photo from PressLogic

隨時喺到會搵到心水零食，價格仲比其他地方平好多添，慳得一蚊得一蚊～去日本旅行不妨去官網睇下附近有無分店，去行下尋下寶！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載