你真係識揸筷子？盤點中日韓筷子文化 食得有禮

東南亞係香港人平時旅行最鍾意去的地方，而筷子就係通用食飯最常用到的餐具，不過作為土生土長的亞洲人，你竟然唔了解筷子的文化？等小編同大家簡單講解下啦！

講筷子文化，入門就必須先從揸法講起，眼見愈來愈多人唔識揸筷子，仲以為「夾到嘢」就冇問題，但你真係「夾到嘢」嗎？小編就覺得至少用筷子夾到粒豆先至叫合格喇。

正確的筷子揸法：

Photo from Pinterest

網上面都有唔少揸筷子的教學或者相片，正確用法就好似上圖一樣，如果你抱怨揸筷子好難夾嘢，但又用緊錯手勢的時候，可以試下正確用法，夾嘢食會方便好多架。另外，正確揸筷子其實都係禮節的一種，對聚餐時候的尊重，比較美觀。

中國

因為傳統中國人鍾意一大班屋企人或者朋友圍埋一齊食飯，飯餸都離自己較遠，而且上菜的碟都比較大盤，為左方便夾餸，所以中國筷子的長度會比較長同厚重。

Photo from Pinterest

而且中國菜比較油膩，所以多用木製，食物冇咁易滑走。至於禁忌方面，就好似唔可以咬筷子啦，或者將筷子插入飯裡面然後離開，除左多多少少與迷信有關外，亦都同衛生有關。

Photo from Pinterest

日本

而日本筷子就係最短的，而且筷子尖會最尖同比較幼細，作為島國，方便佢地食魚使用，適合用來挑魚骨。

Photo from Pinterest

日本筷子最短的原因係因為日本人吃飯的時候，多數會將飯菜湯碗全部放喺一個托盤上面，每個人食自己面前的份量，亦都冇夾餸比人的習慣，所以冇必要設計得太長。

Photo from Pinterest

韓國

至於典形的韓國筷子相信係最難用的筷子，通常係扁平形狀，而且鐵製比較沉重，據講係方便清洗唔會留味，甚至可以用來驗毒！

Photo from Pinterest

另外，同中國同日本唔同，韓國人食飯唔會捧起碗來食，而係用筷子夾起碗入面的飯食，因為在韓國拎起碗食飯有「求飯」的意思。

Photo from Pinterest

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載