草莓控也瘋狂 抓緊草莓季嘅尾巴 台北打卡聖地 新鮮即打健康果昔～

喺呢個草莓當造嘅季節，各個飲食品牌同餐廳點少得抓緊時機，推出各式各樣嘅草莓製品呢？一向唔好草莓副製品嘅小編，難得見到樣令自己心心眼嘅草莓食品，一齊睇睇喇！

今次講嘅係呢見位於台北嘅「GOCHA BAR」生機飲食餐廳。何謂生機飲食呢？即係食用一啲未經加工或以低於48℃烹煮嘅「有生命力」嘅食物。其實都只係營運咗短短一年多，但係已經好出名，上曬電視又盛喇！除咗健康，小編覺得最重點係好抵！平時喺香港閒閒地都要40幾蚊，呢間為返港紙都係2、30蚊咋～

Photo from GOCHA BAR Facebook專頁

依家草莓當造，餐廳都有好多唔同嘅草莓飲品，仲整得好靚添啊！最吸到小編睛嘅就係呢杯草莓可頌mixed草莓飲品嘅呢個組合喇！好我承認其實佢只係將個牛角包放咗喺杯嘢飲上面，即刻覺得勁cute勁吸引，所以話擺位有幾重要～牛角包入面係滿滿嘅custard，仲有大湖嘅新鮮草莓～btw都幾大個...一個組合買都係TWD$175，散買就牛角包HKD$100，飲品HKD$90。

Photo from GOCHA BAR Facebook專頁

其實杯飲品係叫「SM2」，即係草莓+蘋果+核桃+牛奶，雖然材料睇落吸引唔到小編，但係粉紅色仲有一片片草莓片放喺杯邊，好qq啊！用黎打卡都正sss喇！

Photo from GOCHA BAR Facebook專頁

呢杯同頭先嗰杯有啲似，不過認真啲睇...草莓片嘅分佈係唔同嘅，再望真啲...呢杯係紅啲㗎～梗係紅啲喇，呢杯叫「女主角」（TWD$100），材料非常吸引，係草莓+蔓越莓+覆盆莓+牛奶+優格～

Photo from GOCHA BAR Facebook專頁

講到草莓飲品，點可以無香蕉啊？草莓香蕉梗本係絕配喇～呢杯「蕉往了莓」（TWD$165）就係草莓香蕉牛奶喇，睇下上面幾多士多啤梨，堆到成座山咁。除咗草莓、香蕉、鮮草莓同牛奶，仲有珍珠㗎，唔知味道又夾唔夾呢？

Photo from GOCHA BAR Facebook專頁

甜品黎講有呢杯小小嘅「莓花莓花幾月開」（TWD$100），又係勁多鮮草莓，仲有yogurt同玉米脆片，好似食緊早餐咁哈哈～

Photo from GOCHA BAR Facebook專頁

得意少少嘅有呢杯「莓魔女」（TWD$139），有舊雲造型嘅棉花糖喺飲品上面，而飲品就係草莓+藍莓+牛奶+珍珠。

Photo from GOCHA BAR Facebook專頁

多一個選擇係「京都美莓」（TWD$139），抹茶嘅朋友～～～come on！草莓+抹茶+牛奶+珍珠=正ssss！雖然就咁睇個樣又紅又綠，聖誕節咩，成個西瓜咁，不過身為綠茶控，唔會唔試下嘛～

Photo from GOCHA BAR Facebook專頁

Gocha Bar
地址：台北中山北路1段140巷49號(中山站1號出口正後面）
電話：+886 905 465 735

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載