巨型海鮮拼盤！雲石＋海藍色裝潢～多款純手工火鍋配料隆重登場！

火鍋一向係港人最愛，但好多人都怕食太多會肥，但今次小編要介紹嘅銅鑼灣新店來一鍋就幫到你啦！佢地主打藥膳火鍋海鮮火鍋，食得健康之餘又可以成日打邊爐，岩晒女士們同都市人呀！

一入到去就見到同一般火鍋店好唔同，裝潢簡約，用上雲石紋枱面配上海藍色椅子，再加上柔和燈光，感覺和諧溫馨。
Photo from PressLogic

佢地晚市有十幾款湯底任君選擇，不過就主打藥膳鍋底，先黎花膠螺頭藥膳雞鍋，以花膠、螺頭、杞子等多種藥材長時間熬製而成，用料豐富。營養價值高，滋補養顏，男女老少都岩呀！
Photo from PressLogic

再黎有人参藥膳烏雞鍋，烏雞係保健佳品，可延緩衰老、強筋健骨等等。 加上具有補氣養血嘅人參，味道甘甜而不膩。
Photo from PressLogic

海鮮鍋方面推介冬陰公海鮮鍋，採用香茅、檸檬葉等天然香料配合大蝦等新鮮海鮮炮製湯底，入口辛辣回味，刺激味蕾，開胃醒神。
Photo from PressLogic

另一賣點就係純手工製作配料，分別有丸類、餃子等。餐廳仲嚴選左新鮮上等食材，保證每日新鮮供應。
Photo from PressLogic

而且手工製作火鍋配料頭一round係唔需要另外收費，頭一round跟人頭計，例如4個人就有4行食物，第二round開始先需要額外收費，多款純手工製作火鍋配料，分別有左起手工墨魚釀豆卜、手工流心牛肉芝士丸、手工墨魚丸、手工豬肉丸、手工豬肉釀鮮冬菇、手工韭菜餃、手工羊城水餃及手工獅城魚尾雲吞。款款入口都好鮮甜彈牙，調味又恰到好處，完全為客人帶來新鮮感。
Photo from PressLogic

佢地仲巨型有海鮮拼盤，入面有鮑魚、蠔、珍珠蚌、大蝦等等，款款鮮甜入味！
Photo from PressLogic

One More Hotpot 來一鍋
地址: 銅鑼灣堅拿道西10號冠景樓2樓A號舖
營業時間:星期一至五 11:30-16:30，17:30-00:00
星期六至日 17:30-00:00

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載