好受歡迎嘅韓國辣雞撈麵出咗麻辣味，香港都有得買，小編身先士卒試下佢有幾辣！

作為韓國文化愛好者，一有新嘅韓國嘢食到港，小編當然要去試啦～前排小編發現韓國辣雞撈麵限定卡邦尼版同麻辣版喺優品360已經有得買，麻辣版聽講係比原來版本辣4倍！即刻同大家試試！

1.原味（黑色包裝）

-辣度：★★★
-味道：★★★
小編食後感：原味因為有紫菜喺上面，所以食落有少少鹹嘅味道，相對容易入口，亦都比其他味道更快feel到陣辣味，整體味道好平均。

2.卡邦尼味（粉紅色包裝）

-辣度：★★
-味道：★★★★

小編食後感：可能因為有芝士加持，所以辣度稍微降低，辣同濃厚芝士撈埋都好有風味，不過去到後期芝士味完全比辣味覆蓋，值得一提嘅係卡邦尼味嘅麵條係同原味、麻辣味唔同，所以口感都會好過其他兩隻味。

3.麻辣味（紫色包裝）

-辣度：★★★★★★★★★★
-味道：★★
小編食後感：麻辣味開頭唔會感受到有幾辣，但一撕開辣油包已經聞到陣辣味，D麵一過咗喉嚨辣味就會一下子火燒咁衝曬上黎，仲要係連牙齒都麻！

呢個時候你已經唔會再食到其他味道，佢最厲害嘅係餘韻，真係辣咗成2-3個鐘頭先散，小編完全感受到四倍辣嘅程度係有幾厲害！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載