研究:情慾短訊影響伴侶？關係較不穩定 唔想比承諾

社會風氣開放，好多情侶之間不時都會發送各種情慾短訊，不過呢種睇似會增加情趣促進關係的行為，但就有可能會適得其反喎！

Photo from Pinterest

情慾短訊或者性短訊指傳送裸照、有性暗示的相或者直接的訊息比伴侶。加拿大的阿爾伯塔大學就做咗個研究，關於615個加拿大同美國成年人的伴侶關係，了解佢哋的情慾短訊習慣。

參加者分為四組：唔會發情慾短訊的人、只會發文字既、不時發情慾短訊同經常發情慾短訊的人。

Photo from Pinterest

研究發現雖然Send情慾短訊的確可以增加伴侶之間的親密關係，但係經常發情慾短訊的人同伴侶的關係會比較矛盾複雜，亦都冇咁安穩，比起唔會發情慾短訊的人，對關係作出的承諾會更少。呢班人亦都更加比較鍾意睇色情片，甚至容易喺社交媒體上面同其他人調情！

Photo from Pinterest

研究的教授Adam Galovan指出「鍾意發情慾短訊」似乎唔係健康關係的特徵，會令人更關注關係中「性」的部分，而忽略左其他方面。大約一半的受訪者表示，覺得情慾短訊對性或者情感體驗有正面影響，另一半就表示係負面影響。

Photo from Pinterest

他表示呢種現象好似社會的而家的即時滿足文化，唔想花時間同伴侶傾計或者了解對方，就想有個好的關係。

Photo from Pinterest

情慾短訊到底係好定壞？要根據大家信任喇。如果絕對信任對方係唯一調情對象，唔係花花公子，大家又覺得係有益，應該冇問題既！

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載