洛神、美味天王！九十後一定睇過嘅童年回憶～03年前的經典！

最近電視台好興翻播一啲舊到不得了嘅舊劇～
小編有幾套劇都好想睇啊～入面都有唔少童年回憶，
次次好想電視台播但等極都未等到添～唔知大家又有無睇過呢？

九五至尊

由江華、張可頤及吳美珩主演嘅九五至尊係2003年播出～
講江華飾演穿越時空黎到現代嘅皇帝～同呂四娘一齊鬥生鬥死！
鬧出唔少笑話！唔知幾時可以等到江華回巢呢？

Photo from PressLogic

十萬噸情緣

影帝張家輝同張可頤嘅作品！
講述郵輪上嘅愛情故事，呢一對鬥氣情侶係郵輪上面發生左唔少趣事～
小編記得嘅就係隻郵輪真係好靚！諗返轉頭其實都幾豪華架～～
主題曲仲好洗腦添！
「Woo...　愛似遠洋過海 歷盡路上異彩　會發覺你更加可愛」～～～～

洛神

呢套野又係童年陰影呀！郭羨妮仲奸到出汁！
好記得陳豪逼馬浚偉七步成詩，嚇到小編個心離一離～～～
果時仲好中意扮蔡少芬回眸一笑～～～

美味天王

有無人一聽到「美味天王」個腦即刻有聲？
套野真係超級經典！
沈殿霞嘅角色令人印象深刻～最記得係歐陽震華煮野食⋯⋯真係好難忘。

無頭東宮

呢套亦係超經典！唔知當年換面一幕嚇親幾多小朋友呢？
向海嵐飾演奸角入形入戲！

Photo from PressLogic

齊天大聖孫悟空

最後一套就係齊天大聖孫悟空啦！
呢套劇絕對係星光熠熠，有Twins、林志穎、大S等等坐陣～
仲有「勁到跌渣」、「逼啪你個隆的咚」等等都成為唔少人嘅口頭禪！

Photo from PressLogic

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載