過江龍期間限定龍蝦沾麵～超濃郁！㗎妹最愛魚介湯 膠原蛋白up

等到頸都長終於正式開業嘅麵屋一燈！今次跟住日本總店傳統～用最新鮮嘅食材推出期間限定啲季節菜式！尖沙咀店仲可以睇埋維多利亞港景色～有成3000呎～坐得闊落食得開心！

Photo from PressLogic

成日聽到嘅係豚骨湯底～而喺麵屋一燈，最厲害就係用咗鮮雞煮成嘅濃厚魚介湯！

Photo from PressLogic

麵屋一燈創辦人坂本先生仲介紹埋點食～首先夾起一至兩條麵，然後品嚐麵本身嘅香味～每日新鮮製麵，食落口感同香味都同平時唔同。然後再混入湯汁，2-3秒就岩岩好，2-3條咁食，麵條唔會浸太落，就唔會過咸。加入海膽醬汁單食，試完仲可以混入龍蝦湯汁。如果覺得湯太濃，仲有提供混合咗嘅龍蝦湯頭比大家調味～仲講到要無論拉麵同沾麵8分鐘食係最香、味道最好！

Photo from PressLogic

首推出嘅龍蝦沾麵「一燈龍門」（$238）用咗濃厚魚介湯同波士頓龍蝦湯混合熬製而成～食落濃郁香甜～仲可以自選三款沾麵配料～海膽汁、飯素同脆米粒。龍蝦一早拆好起肉，沾汁後再食。自選嘅海膽汁仲可以提昇龍蝦嘅鮮味！

Photo from PressLogic

原來有成8成日本人都會揀沾麵嚟食！咁緊係唔可以錯過！今次試埋佢地嘅招牌沾麵～特製濃厚魚介沾麵 ($158)，將每次食用嘅麵條放份熱辣辣嘅魚介湯～細味品嚐麵屋一燈全人手自家製嘅粗麵條～

Photo from PressLogic

唔慣沾麵湯太濃嘅仲有味玉 濃厚魚介拉麵 ($158)，湯底集齊雞魚精華，一樣有齊叉燒、雞肉～同一樣係自家製嘅雞肉丸子！魚介湯仲係最受櫻花妹子歡迎嘅一款添！

Photo from PressLogic

聽個名都知特別嘅！味玉 芳醇鹽味拉麵 ($138)，絕對唔係就咁加鹽落去整，而係用咗大量嘅鮮雞，再以低溫慢煮嘅方法煮成，食落比較濃郁，口味比較重嘅人就岩晒！

Photo from PressLogic

麵屋一燈
地址：尖沙咀廣東道3-27海港城海運大廈3樓LCX 32號舖
電話：3102 3299
營業時間：星期一至日11:30-22:30