平價經營+傳統方法炮製~為上班一族帶來平價美食！

銅鑼灣好多上班一族，但係食開嘅野都係貴價，如果你想搵一間平價又唔錯嘅餐廳更加少之又少，今次小編介紹依間銅鑼灣新店就可能幫到你啦！

Photo from PressLogic
台灣菜一向都係香港人鍾意嘅料理之一，而依間位於銅鑼灣京都廣場嘅古早味台灣原味，以平價經營之餘仲用傳統方法炮製一系列台灣菜，比食客品嚐到台灣古早味料理。

Photo from PressLogic
黎到台灣食店，一定要試下台灣傳統麵食--古早味牛肉麵。利用傳統做法炮製，湯底有濃郁牛肉香味，不這略嫌肉質唔夠嫩滑，但手工制麵條夠彈牙，唔錯！下午茶都係$55，午餐就$65。

Photo from PressLogic
而另一個重點五味雞飯，真係非常抵食！雞肉嫩滑之餘，配上五種唔同醬料，帶比客人更多唔同嘅享受。分別有wasabi、糖醋、薑茸、麻辣同紅油。小編就幾推介薑茸同麻辣，食落雞肉更添一份香味。

Photo from PressLogic
小菜方面不妨試下酥炸大雞扒（$38），夠香脆，不過雞肉再淋身D就更好。蚵仔煎都係著名嘅台灣菜，味道幾出色，係厚粉左少少。
Photo from PressLogic

食完主菜緊係要試下台式甜品，講到台式糖水又點少得芋圓，今次就推介綜合芋圓比大家，入面除左有三色芋圓，仲有紅豆、綠豆、珍珠、沙冰，食落口感豐富又甜甜地，超正呀！
Photo from PressLogic

古早味台灣原味
地址:銅鑼灣駱克道491-499號京都廣場5樓(港鐵銅鑼灣站C出口, 步行約1分鐘)
營業時間:星期一至日 11:00-02:00
電話: 3421 1765

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載