唔少人去廁所都鍾意帶手機入去，方便提升便意，原來咁做反而會令排便更困難！

過往都有唔少新聞報導因為如廁時間過長而發生嘅意外：重慶一名男子喺廁所一邊玩手機一遍坐廁所，半小時後親人發現佢倒臥廁所地上，送院治療後佢慘變植物人；另一名內地男子喺廁所都係一邊玩手機一邊做馬桶，結果出現「脫肛」，直腸壁頻臨壞死，更加有16cm異物排出！

呢D問題全部都係因為坐馬桶嘅時間太耐，有人會話便秘要玩住電話睇報紙先有feel，事實上，越坐得耐越去唔到廁所！

專業醫生表示健康嘅排便時間係2-3分鐘，超過5分鐘對身體唔好，如果真係未去到廁所，建議出番黎隔一排再去過。長期坐喺馬桶度，久而久之會造成腸黏膜下垂，導致習慣性便秘、痔瘡等疾病，而且一邊做其他嘢一邊去廁所，會令注意力分散，間接令腸道排便嘅能力下降，咁樣反而趕走便意，坐幾耐都無用。

Photo from KBS

長期坐廁所另一個唔好嘅原因，就係長時間坐喺馬桶度，血液向下流，容易導致頭部同下肢供血不足，咁樣企起身嘅時候會出現頭暈症狀，細胞供養不足亦都會令雙腿麻痺，再嚴重D就好似嗰位重慶男子咁，邊植物人呀！

雖然好多人都話喺唔知點解喺廁所特別有靈感，又話覺得去廁所好似自己有個獨立空間咁，但廁所其實係充滿毒氣嘅地方，你坐幾耐就吸幾耐，始終喺身體排出嘅都係廢物，盡量少接觸對自己最好，當有毒氣體進入體內，嚴重嘅話隨時引發炎症，得不償失！

Photo from Shutterstock

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載