懸崖透明膠囊旅館挑戰膽量仰望銀河星空＋山谷

By 123testing on 14 Mar 2018

去旅行如果入住到特色旅館絕對係個Bonus，不過大膽嘅你會唔會夠膽入住呢個旅館呢？事關呢個旅館位於秘魯山上，更加起喺懸崖邊！畏高者慎入！位於秘魯Sacred Valley，由2013年已經營運，Skylodge Adventures Suites提供透明膠囊房間比大家住喺高高的山上，表示入住者可以喺高山睇到最自然最壯麗的境色，好似荒野山谷同夜間星空全景。

Photo from Skylodge Adventure Suites

咁到底點上去先？上去膠囊旅館的方法有兩個，第一個係攀登400米（約1,300英尺）高的岩石，第二個用鋼索登山到達。計小編話兩個方法都係少啲膽量都做唔到。

Photo from Skylodge Adventure Suites

旅館由三間獨立膠囊套房組成，總共可以入住8個人，每個膠囊有3個部份，包括用餐區、浴室同睡房，睡房會提供4張床。膠囊長度為24英尺、高寬長8英尺，有六個窗口同四個通風口，至於出口就喺上方，膠囊由航空鋁合金框架和耐候聚碳酸酯製造。房間有齊枕頭同棉被，理論上會瞓得好舒服。

Photo from Skylodge Adventure Suites

房間內照明由四個室內燈同一個閱讀燈組成，全部由太陽能電池供電，浴室以隔熱牆同臥室隔開，所以大家仍然可以通過1.8米直徑的圓頂欣賞美麗的景色，不當然圓頂配有窗簾，避免一齊入住的「天空鄰居」偷睇！

Photo from Skylodge Adventure Suites

價錢方面當然亦都唔平啦，以攀山方式+過一晚夜收費為1335新索爾（約$3209港元)；爬Zipline登山+過一晚夜收費為1335新索爾；兩者玩齊再＋過一晚夜收費為1425新索爾（約$3425港元）。不過套餐入面已經包括往返庫斯科城市的酒店的交通服務、懂翻譯的導遊、登山設備、山上面的小吃、晚餐、早餐同一支葡萄酒，基本上成個「懸崖瞓教」體驗需要嘅嘢都包晒。