日本北海道2018　亂掃LAWSON粉系飲品

遊日之時除咗正常一日六餐，
沖完涼仍有宵夜Round2的大量便利店戰利品排隊等候，
新年既然錯過年糕肥物，就好好用
踏入春天(雖則仍然落雪中)出場無耐嘅粉系產品們
填補未有增加嘅肉量。

桃味可樂 (香港已有)
日本於1月推出的春日限定桃味可樂，桃味甚出，
算係甜度較高口桃味有汽飲品。

桃味成人芬達
雖然唔理解同公司何解有兩款同類飲品出，
但2月21所出既期間限定桃味芬達主攻成人市場，
可能用純水、不用保存料等更優材料走另一路線。

午後の紅茶 莓果乳酪茶（香港已有）
POCKY X 午後の紅茶兩大保證牌子合作，貌似應該會有好結果...
但意外地只係甜味加奶組合，唔凍住飲係唔太掂...

Starbucks 櫻花雜莓焦糖牛奶
個人對櫻花味食物期待不大，個綠蓋更加令人卻步，
不過今次加入牛奶同莓味道中和返，口感香滑，可以一試。

LAWSON 桃味乳酸菌飲品
多種味道選擇嘅Lawson限定飲品，
簡簡單單配搭加上有少量果粒，絕對係多樣桃味飲品最夾。

Tropicana 櫻花草莓桃汁
大包圍呢樣有啲個樣有啲，
最後都係以桃加莓味勝出，櫻花味冇咗影。

LOHAS 桃味水
想飲啖水都要有水果味，天然水中加入蜜桃味，
最後仍是無法擺脫有糖飲品。