斐濟係陽光與海灘嘅代表，每一個小島都有自己嘅打卡位，一生人一定要去一次Cloud9水上漂酒吧！

By 123testing on 04 Apr 2018

同另一半一齊去旅行或者度蜜月，總係會特別著緊，想同最愛留下更多愛的印記呀嘛～講到最浪漫最sweet嘅旅遊地點，小編會推介斐濟。
呢個由330個小島組成嘅國家，每一處都係陽光與海灘，每一個角落都係影甜蜜放閃相嘅好地方，唔同嘅島都有唔同嘅打卡位！

Cloud 9 水上漂酒吧係每對情侶都一定要黎嘅地方，呢個小浮台四面環海，係全球唯一一間兩層高浮台酒吧，天氣好嘅日子周邊顏色靚到好似一幅畫咁呀～喺呢度你唔單止可以chill一chill，飲住cocktail睇，仲玩刺激嘅水上活動，好似水上電單車，環繞Cloud 9轉一圈，又或者可以玩海上滑翔傘（parasailing），喺半空中欣賞浮台美景。

好少會有好似Cloud 9咁樣嘅海上酒吧，鍾意影相嘅你最好帶埋部航拍機去影相，喺上空影落黎，四周圍都係一片碧綠色，影完即刻放上網畀人葡萄下！安運滿Fun遊都有安排到Cloud 9一日團，一個價錢包埋酒店來回連午餐飲品，唔使自己安排咁麻煩！

斐濟有咁多個島，想玩得盡興當然唔少得咗一日遊輪去外島玩！小編推介大家一定要去漂流島Castaway Island，呢個島如其名，真係遠離煩囂，每日只係接待20位旅客上島玩，影相都唔使擔心四周圍都係人！

Castaway Island海灘嘅特色係白色嘅細沙，仲有凹凸有致嘅珊瑚礁，同埋茂密嘅熱帶雨林，唔少人都會去潛水中心玩潛水或者浮潛。你可以租用佢哋嘅設備，或者自己帶都得～如果係經驗者都會自己帶埋浮潛面罩去，衛生D丫嘛～宜家好流行戴EASYBREATH® 全乾式浮潛面罩，佢唔單止戴同除都好方便，最重要係可以用鼻或嘴自然呼吸，唔太熟識浮潛呼吸法嘅朋友就好需要佢啦～

嗱～唔好話我唔提你哋呀～想影到水底高清靚相，記得帶部GoPro相機去，仲要加多個紅色嘅濾鏡。因為去到水底，光源只會留番波段較長嘅藍色同綠色，所以畫面會偏藍同綠，加番濾鏡D顏色就會調正。

如果想靜靜地過二人世界，或者幫自己影一輯「全世界只有我們」嘅相，Yasawa Group亞薩瓦群島會係一個無錯嘅選擇，面積唔算大，人煙稀少，最適合兩個人漫步談心。

當中Kuata呢個小島有最出名嘅鯊潛，就算唔識潛水，玩浮潛一樣可以有鯊魚陪你遊呀游～不過大家要注意影相嗰陣唔好用閃光燈都唔好帶自拍棍嗰D輔助工具，因為會嚇親鯊魚，為咗自己同鯊魚嘅安全，記得同鯊魚保持最少5米距離同埋唔好着蛙鞋呀～

亞薩瓦群島仲有一個名勝-海龜島，呢度係波姬小絲主演的經典影片《藍色瀉湖》嘅取景地，佢有一大片藍色瀉湖，姐係藍色嘅珊瑚礁，被譽為係斐濟最夢幻嘅珊瑚礁群，有時間一定要黎呢度打卡呀～

斐濟風光明媚，酒店配套一樣咁正，間間酒店都超豪華超靚，同honey一齊黎，當然要去D又大又舒適嘅酒店啦～
作為品牌推介酒店嘅Radisson Intercontinental Fiji擁有被列入世界十大最美海灘之一嘅Natadola海灘，入住酒店就可以獨享海灘嘅迷人日落景色，兩個人拖住手係海灘漫步，你話幾浪漫呢～呢度就算係普通客房都有個露台畀住客歎住欣賞怡人景色，無敵海景加水療中心仲有哥爾夫場，基本上日日留喺酒店都已經大把活動！

重點係酒店仲有一間三角尖頂嘅教堂，玻璃幕牆外有無邊際嘅海景，唔少人都會喺度舉辦婚禮，宜家經安運滿Fun遊預訂套票，斐濟航空來回機票連住宿加全程交通接送都只係$7，799起，購買套票仲加$99仲可以入手埋浮潛必備嘅EASYBREATH® 全乾式浮潛面罩，一次過準備好所有嘢，就可以輕輕鬆鬆準備出發！

睇完小編推介，係咪都好想即刻買機票出發呢？依家只要跟住以下步驟，就有機會得到斐濟來回機票（名額1位）或者 EASYBREATH® 全乾式浮潛面罩（名額10位）！
參加方法好簡單:
1. Like WincastleTravel 同 Fijiairways
2. 喺呢個page (按此) 同我地分享你最想去嘅斐濟景點
3. Like Facebook Post (按此)，同埋喺下面留言tag 兩位朋友「我好想同 (@tag 2位朋友)一齊去斐濟啊!」就有機會得獎啦! 輕輕鬆鬆就有機會去斐濟，唔係唔參加下嘛?!
大獎(一名) : 斐濟來回經濟客位機票一套
二獎(十名) : EASYBREATH® 全乾式浮潛面罩一個
活動截止時間: 2018年4月15日11:59pm (香港時間)