韓國霧霾嚴重到出街一片白矇矇，當局限制車輛行駛，出門一定要戴口罩

近日韓國空氣污染情況相當嚴重，大家最常掛在口邊嘅「細懸浮微粒/微細懸浮粒子（PM2.5）」嚴重超標，達至重度污染嘅水平，特別係首爾同附近嘅京畿區域，平均濃度更創下2015年嘅新高！當中3月26日首爾及京畿嘅PM2.5指數平均濃度高達每立方米99微克及102微克，環境部都針對霧霾天氣推出多項應對措施，例如限制車輛行駛等等。

Photo from Seoul.kr

究竟咩係細懸浮微粒/微細懸浮粒子（PM2.5）？PM2.5指的是大氣中的超細懸浮顆粒物,因為佢可以隨氣流四圍飄，所以我哋每日都會吸到一定份量嘅PM2.5,佢同PM10嘅分別係PM10比較重，所以PM10一般喺幾個鐘頭內就會落地，但PM2.5會長期飄浮空中，加上佢好容易被有毒物質吸附，如果PM2.5水平太高，就等於入肺嘅有毒物質都多咗。喺普通情況身體會透過咳嗽將空氣中嘅粗大灰塵粒子吐出，但亦都會局部粘膜產生刺激作用，繼而引起慢性鼻炎同埋咽喉炎等等嘅情況，最嚴重更加會引發多種血管病！

喺氣象圖可以睇到好大層霧霾覆蓋韓國，真係好嚴重㗎！

Photo from Clean air seoul

韓國係唔少香港人鍾意去嘅地方，作為旅客，去到當地我哋都有幾招可以應對霧霾天氣嘅～～

Photo from Seoul.kr

1.戴口罩

大家買口罩嘅時候記得要買有功能性嘅口罩，姐係普通一層或者棉質嗰款就唔啱用啦，當局建議大家買KF80或者KF94呢兩款專門過濾PM2.5嘅口罩，佢地有多層隔膜，可以有效過濾唔同程度嘅微細懸浮粒子（過濾程度分別係80%同94%），加上透氣度高，長期戴都可以保持清爽。

2.多飲水、食蔬果

Photo from Seoul.kr

飲水可以加快身陳代謝，幫助排除毒素，加上皮膚都無咁乾，毛孔就唔會擴張，接觸懸浮粒子嘅面積都細D～至於蔬菜同水果能夠抗氧化，增強抵抗力，遇到霧霾都無咁容易被打敗，病都病少D啦～

Photo from Pinterest

建議大家可以食多D梨、藍莓、柑、蘋果
香蕉、海帶、西蘭花等等，飲品方面可以飲多D紅棗茶、茉莉茶、生薑茶同埋綠茶。

Photo from Pinterest

Photo from Pinterest

3.洗手

Photo from Seoul.kr

由於PM2.5太輕，所以外出嘅時候身上好容易黏附好多有毒物質同埋懸浮粒子，所以每日外出返屋企嘅時候，一定要用暖水洗乾淨雙手、雙腳、鼻同埋眼，唔好帶D懸浮粒子返屋企～

4.轉乘公共交通工具

Photo from Seoul.kr

去旅行難免會因為儉省時間或者唔想行而選擇搭的士或者call車，越多車輛行駛都代表住會產生更多廢氣，可以嘅話就儘量搭地鐵等等公共交通工具，如果近嘅話，租架單車踩都唔錯！

5.減少戶外活動

Photo from Seoul.kr

由於長期處於戶外嘅話會將自己暴露喺霧霾之中，加上運動嘅話更加會大量吸入廢氣，所以未免吸取更多PM2.5，可以減少嘅戶外活動就唔好去，呢期去旅行嘅話就唔好參加咁多戶外體驗，儘量喺室內逗留。

Photo from Pinterest

6.避免到空氣污染嚴重嘅地區

Photo from Seoul.kr

儘量唔好行去工廠區或者超繁忙嘅馬路邊等等可以產生大量廢氣嘅地區，去旅行工廠區好少會去到，反而係路邊比較多接觸，行近D樹木嗰度啦～

7.避免製造更多污染

雖然話霧霾主要係工業污染或者第二D地區飄過黎嘅惡劣空氣粒子，但身處當地，每個人都可以出一分力避免情況更加嚴重。一D可以避免嘅活動，例如燒烤、吸煙或者燒衣等等會製造大量濃煙嘅活動儘量減少，咁樣對整體環境已經有好大幫助！

Photo from Pinterest

想check 下PM2.5指數，可以去呢度睇：http://cleanair.seoul.go.kr/main.htm

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載