綠葉姜皓文一分耕耘一分收穫！出道33年三度提名 首奪金像獎最佳男配角

今年金像獎感人嘅一幕就像黑仔(姜皓文)奪得最佳男配角，3度提名，今次係第一次奪獎！佢拎到獎嘅時候眼濕濕，話覺得好運到以為自己就嚟死，同老婆講：「老婆，我攞到啦！」唔少人話佢一洗上年嘅烏氣。

Photo from VIUTV

上年金像獎有個小風波，就係曾志偉拎到最佳男配角嘅時候講咗句：「黑仔，畀心機，我1部撼你26部，跟住係你㗎喇！知唔知呀！Very Good！」

唔少人聽到都好為黑仔感到唔抵。所以當今年終於到黑仔拎到，大家都為佢覺得開心，覺得佢係實至名歸～

Photo from VIUTV

唔講唔知，原來佢已經出咗道33年，做演員前做過裝修、賣點心等，一開始係入亞視，後來去咗香港電視網絡，而《警界線》就係佢係個到首部作品。

睇過佢做戲都會知，佢做忠角又得，奸角都得，而且佢演出有義氣嘅角色都好令人印象深刻。

Photo from 姜皓文

上年佢因《樹大招風》季正雄好友、由黑社會改邪歸正做正行嘅大輝而得到提名，可惜最佳男配角都係擦身而過。

Photo from 姜皓文

而姜皓文獲得3次提名最佳男配角，今次係最佳男配角有兩部電影提名，分別係《拆彈專家》同《大樂師 .為愛配樂》，第一次奪得最佳男配角～成個金像獎入面，最令人眼濕濕嘅都係佢嘅得獎感受～

Photo from 姜皓文

「老婆，我攞咗啦！」、「多謝老婆做我嘅出氣袋」、「忽然間啲運氣好咗好多，好到我都驚自己會唔會死」，到令人諗返起佢出道咁多年，終於得到認同，得到成果。

Photo from VIUTV

得獎後，佢喺電視做嘅小訪問講嘅說話，同樣好令人深刻，「你可以放低一陣，但唔可以放棄，唔可以離開自己嘅崗位」聯想起佢呢33年嘅努力。

呢個獎係實至名歸～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic