Mr.Wally千字文控訴慘被大媽逼走！行人專用區變大媽專區～你又點睇？

深受港人愛戴嘅日本街頭藝人Mr.Wally昨日發出千字文控訴！
Mr.Wally真係困難重重，繼身份證事件同經常性被警察驅趕後，今次又表示「被搶位」！
更加掀起網民罵戰！

事緣Mr.Wally想去旺角行人專用區表演時，
發現被「中國唱K大叔和大媽」佔用左佢平時唱開嘅位，
多番溝通之後對方仍然唔肯讓位，更指對方態度惡劣！

「雖然行人專用區是一個我和大家有很多美好回憶的地方，但今後已經不能再去那裡唱歌了。」

Mr.Wally表示明白Busking（街頭表演）係先到先得，但果個位係佢平時表演開嘅位置，
而且佢已經唱左一年～
加上被大媽騷擾已經有前科，所以今次就發文指責。

有唔少網民都表示支持Mr.Wally去其他地方繼續唱，
旺角行人專用區一早就已經比大媽霸佔，
長期變躁音污染之地，唔少Busker都已經放棄左果個地方，勸Mr.Wally唔去都罷！

但亦都有網民不滿Mr.Wally嘅做法，表示「先到先得」本來就是指先到先得而無須考慮對象是誰，
佢長期唱果個位唱開都唔代表果個位係佢架嘛！

無論點都好啦，希望Mr.Wally唔好氣餒，
始終香港仲有好多地方同舞台可以發揮！
旺角躁音問題，希望都可以盡早得到解決啦～

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載