性價比極高！1200円食正宗A4神戶牛，平靚正到連牛牛都感動流淚！

如果問你「日本三大和牛」係邊三大，相信好多人第一時間會答「神戶牛」。不過，聽就聽得多，食喇喎…今日，小編要介紹既食店真心性價比極高，神戶牛原來都唔係觸不可及既美食。因為，依家只需要 1200 円就可以食到喇喇喇！

「神戶牛丼　広重」既老闆應該係癲咗，千幾円食神戶牛已經好癲，攞神戶牛做牛丼就更加癲！可能有人會問「啲牛是咪假㗎？」小編會答你：「唔是。」因為店入面會有神戶牛證明書，仲每次入貨都更換編號，冇花冇假㗎！

Photo from ヒトサラ

店入面地方就比較窄小，只有 10 個位左右。加上只有老闆一個人煮，廚房都非常迷你，不過上菜就比較耐，通常要等 20 至 30 分鐘。

Photo from 食べログ

間餐廳只有牛丼一個選項，一碗牛丼加自家製蘿蔔乾同每日例湯，只需要 1200 円啊啊啊！如果你十分大食，可以加 200 円，飯同牛肉都會增量。

雖然肉片唔係話好厚，但真貨真係真貨，愈咬愈甜，再加配洋蔥同一啖白飯，嗚哇～～～1200 円咋，帝王級既享受啊～～～

Photo from 食べログ

Photo from 食べログ

如果你鍾意打個生雞蛋係丼飯既話，仲可以加 100 円加隻雞蛋，日本人經常都咁食的。

Photo from Fu/真面目に生きる

不過提醒大家，由於店面不是太大，加上食店係日本當地都好受歡迎，所以記住早少少去排隊啊，如果唔係就要企係出面呆等了～

食店資料
地址：兵庫県 神戸市中央区 中山手通 り1丁目22-21 前川ビル1F
營業時間：11:00 - 15:00／17:00 - 23:00（賣完就會關門）
交通資訊：JR「三ノ宮」西口步行約 8 分、阪急神戶線「三宮」東口步行約 8 分