明知故犯鍾意夜瞓～死線戰士可能中招！你有夜瞓強迫症嗎？

明知故犯鍾意作反，夜一夜都唔肯瞓，可能你已經患上夜瞓強迫症啦～睇睇自己中唔中？最底有測試～

香港人壓力大再加埋夜瞓真係會爆煲架，但往往想早瞓都基本搞到點幾2點先瞓到，究竟係發生咩事？原來係患上夜瞓強迫症囉！

Photo from Shutterstock

明明捱夜做嘅嘢係第2朝都可以做，但就逼自己係都要夜晚做完先瞓！有時只係無關痛癢嘅事，或者啲嘢唔urgent嘅，都要拖到某個鐘數先肯瞓教教豬～

Photo from Shutterstock

另外就係明明個樣嘢一早就應該做，卻因為有拖延症而做左deadline fighter～例如開sem已經知道何年何月何日要交assignment，但最後係都拖到最尾幾日先發力～

以下有6大特徵比你check下睇你中唔中～中左5條或以上，你都可以講係確診左夜瞓強迫症啦師兄～

-日頭忙到趴係度，無時間做自己嘢。
-攰到周街都瞓得著，無論係搭鐵、搭巴士、係office都可以秒睡！
-夜䦨人靜，個個都瞓晒，啲靈感就會bla bla聲咁嚟！即刻抖擻精神唔瞓得囉！
-日日放工返屋企都起勢撳電話，碌IG、睇劇、食雞，雙手停不下來～
-當你真係把心一橫上床瞓教，一瞓低又即刻拎起手機撳撳撳，無嘢撳都要搵嘢撳～（好犯賤！）
-每日一起身都會發誓「今晚一定會早瞓」，但夜晚返到屋企就會覺得「咁早瞓咪徙晒」～

Photo from Shutterstock

雖然夜夜笙歌狂歡下又有多啲自己嘅時間係爽嘅，但長期咁樣真係賠上健康或者你嘅脾胃架！所以真係要對症下藥，認清事實～唔好因為沈迷電子產品或者fight deadline而做夜貓啦～要愛惜我地嘅身體，抖足精神第2日番工番學都醒目啲啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載