被忽略的聲音|森美上節目開金口 深情演繹高難度《聽海》 認真模樣卻被笑說面目猙獰

森美～森美～講起森美呢個名，你地諗起嘅會係「小儀」？「金牌司儀」？「名嘴」？「DJ」？「演員」？「hehe」？無錯，森美出名講嘢流利、反應快、幽默、學歷高，由一個電台小DJ去到「大」DJ，仲一路撈埋電視主持、棟篤笑、電視劇、電影同舞台劇演員，仲出埋書添，可以話真係飯飯掂。不過，喺各方面都做得咁出色嘅同時，好似有樣嘢係一直被忽略，就係「歌手」。

Sammy Leung 森美（@sammy903）分享的貼文 於 PST 2018 年 2月 月 4 日 下午 8:38 張貼

見親森美都係主持同演員，甚少開金口嘅佢，早前喺TVB嘅《流行經典50年》度演繹高難度台灣名曲，張惠妹嘅《聽海》。睇得出佢十分認真準備，除咗早前喺電台自爆好緊張因為女女話自己唱得唔好，喺片段播出時，認真演繹慘情歌到七情上面仲有啲面目猙獰，相信真係好認真想表達歌曲嘅信息俾大家～

而網民嘅反應大部分都係好評，但可能因為森美平時嘅搞笑作風已經深入民心，一旦認真唱起歌時，就會覺得好好笑。被網友評「好好聽，估你唔到」嘅同時又被笑說『睇到好想笑』。

Photo from Facebook @ Sammy Leung截圖

另外都有網民認為森美嘅普通話有待改進，應該練好發音再唱！

Photo from Youtube @ TVB（Official）截圖

甚少唱歌嘅佢，可能大家睇到佢今次嘅演出，會覺得好神奇，出乎意料之外。其實早喺2001年，森美已經為當時嘅「森美小儀歌劇團」嘅舞台劇演唱過。後來比較廣為人知嘅係，電視劇「森之愛情」嘅主題曲《八月的蝴蝶》。係森美自編嘅廣播劇改編而成嘅電視劇黎㗎！

後來喺2011年，森美就為電影《翻生奇兵》演唱主題曲《在這世界看不夠》。

2012年都有同謝天華合唱電視劇《法網狙擊》嘅主題佢《疑幻人生》。

小編就覺得其實以一個唔係靠唱歌搵食嘅人黎講，都真係唱得唔錯㗎喇～小編覺得森美把聲幾唔錯，音準都有，高音上得夠輕，低音夠磁性，只係唔係好夠中氣，同埋普通話的確有待改進，尤其係啲「n」同「l」，「si」同「shi」～ BTW森美大哥深情嘅演繹，七情上面實在係令我感動到笑。相信如果森美多加練習，真係有潛質做實力歌手㗎！

Photo from YouTube截圖

題外話～森美口齒伶俐，因此做主持得心應手。中學就讀喇沙書院，會考考獲1A5B，25分嘅高成績，畢業後升讀中文大學。學歷高嘅佢，依家幾乎每年都會推出唔止一本嘅新書。值得一提嘅係，成績優異嘅佢，並唔係天資聰穎，自小就有專注力失調及過度活躍症（ADHD），佢自知難以集中專注力，需要長時間讀書嘅科目未必適合自己，所以大學就選修比較多變化嘅新聞和傳理系。而依家，大家都有目共睹，揀啱喇！

Sammy Leung 森美（@sammy903）分享的貼文 於 PST 2017 年 12月 月 20 日 上午 1:58 張貼

所以小編都好佩服佢，專注力唔集中的確難以學習，而森美竟然可以將主持嘅內容背得滾瓜爛熟。而且真係飯飯都撈得掂，唔知幾時會跳埋舞呢～？

Sammy Leung 森美（@sammy903）分享的貼文 於 PDT 2018 年 5月 月 5 日 下午 10:33 張貼

Video from：YouTube @ TVB（Official）、@HK Tunes、@英皇娛樂 eeg music、@utyaiu
Photo from：Facebook @ Sammy Leung and YouTube @ TVB（Official）

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載