新手一個人去旅行都唔驚！7大獨遊注意事項做足呢幾樣屋企人都唔會咁擔心

旅遊攻略美食推介

By Rachel Lo on 09 May 2018

Deputy Managing Editor

喜歡看電影，最愛旅行。發掘少人知道的景點，然後把風景紀錄下來。

出咗嚟做嘢就會發現夾人去旅行，係一件幾困難嘅事（延伸閱讀：推介5個適合第1次獨遊城市），但當同屋企人講自己去旅行，佢地又會唔多想咁，話幾危險咁。獨遊做足以下幾項，自己一個去旅行都唔驚，父母都會放心好多！

Photo from shutterstock

1.做足功課
雖然一個人旅行係好free，但都最好做足功課，例如點樣由機場出市區、點樣搭車去到住宿地方，因為得一個人出現狀況以外嘅事（例如可能突然上唔到網等），所以去前查定晒啲嘢就萬無一失！唔怕到時手足無措～

Photo from shutterstock

2.盡量揀治安好啲嘅國家
有啲聽聞治安無咁好嘅國家就唔好自己一個去，例如印度、巴西、墨西哥等。如果好想去嘅話，都係等有旅伴先再去，如果突然有意外，都係有個伴做照應比較好，而且當打算一個人去呢類地方，屋企人都一定會好擔心～始終都係安全至上！

Photo from shutterstock

3.購買上網卡/電話卡
有啲人去旅行唔鍾意買上網卡或電話卡，因為想旅行遠離一下網絡世界，但當一個人旅行，點都有得上網或打電話會比較好，有咩事都可以即刻報警或尋求幫助，同埋一盪失路都睇到自己係邊先！

記低報警電話、領事館電話、重要聯絡人電話～

Photo from shutterstock

4.每日打畀屋企人報平安
一個人出走始終會令屋企人有少少擔心，驚你去外地一出事點算，如果你唔點聯絡，佢地又會亂諗嘢，以為你有咩事。為咗令佢地安心，最好都係每日同佢地講一陣電話，報個平安或同佢地分享下旅程趣事都好啊！
Photo from shutterstock
5.唔好太夜返去住宿地方
始終旅行嘅地方唔係自己一直居住嘅地方，要注意下安全比較好，盡可能唔好太夜返到住宿嘅地方，因為深夜會相對比較危險同難以預測發生咩事，又得自己一個，有咩事起嚟都唔好啦～

Photo from shutterstock

6.如獨遊日本﹐去前安裝地震預報app
日本近年比較多地震，而香港本來係個唔會點地震嘅地區，所以對於地震嘅應對方式同反應，都會好陌生同不知所措，所以下載定地震預報app，起碼係震前幾秒知咩事，萬一真係地震都仲有少量時間逃生先。

Photo from PressLogic

7.旅遊時每日抽少量時間留意當地新聞
去旅行都要睇下新聞，因為有時會有咩突發嘅事發生，都會有少少心理準備～

Photo from shutterstock

做足準備，屋企人都會安心啲，自己一個都萬無一失啦～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載