台北3倍大巨無霸芋圓！大粒到一啖先食到一粒 全手工製無不含防腐劑 口感超Q彈！

好多人都勁鍾意芋圓煙韌彈牙嘅口感，雖然香港都多咗好多開始芋圓甜品，但去到台北梗係要試當地芋圓啦！今次除咗望落非常吸引，仲要比一般芋圓足足大3倍啊！有客人食完之後大讚好食之餘，仲話份量多到連嘴都咬到痠！

Photo from Photo from FB@金山芋圓王

位於新北市的「金山芋圓王」所出售的芋圓，全是用上等芋頭兼純手工製作，而且大大粒巨無霸芋圓，足足比一般芋圓大三倍，一啖都係塞到一粒入口咋！而且唔係因為芋圓較大粒而偷工減料，碗入面芋圓超大，簡直係食到攰都可能未食完啊！

Photo from Photo from FB@金山芋圓王

除了招牌芋圓外，店內仲推出「芋圓仙草奶凍」，芋圓夾仙草凍及奶凍，簡直係經典配搭！唔好以為咁大碗會好貴，其實只售台幣50元，即係港幣十幾蚊，一般係香港食芋圓都要三十幾蚊，而呢個「金山芋圓王」的芋圓絕對超抵食！

Photo from Photo from FB@金山芋圓王

如果想試比較特別嘅配料，可以試下「芋圓泡泡冰」，泡泡冰以刨冰及配料攪拌而成，食到一粒粒刨冰之餘，花生味濃郁，連花生粉都係用最純北港花生製造！口感豐富又多層次，去台北旅行嘅朋友唔好錯過機會啊！

Photo from Photo from FB@金山芋圓王

「巨無霸芋圓」在台北已非常有名氣，很多人紛紛慕名而來，而「金山芋圓王」都於今年4月開至第三間啦，大家記得要去打卡潮聖啊！

Photo from Photo from FB@金山芋圓王

店舖資料：
金山芋圓王
地點：
總店：新北市萬里區頂社路67號
第二分店：新北市萬里區頂社路67號
新店：新北市金山區民生路204號（媽祖廟旁）
營業時間：星期一至日 9am - 9pm
電話：+886 2 2408 1118

Photo Credit: FB@金山芋圓王

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載