內地破12億票房！香港將首播！劉若英執導催淚電影《後來的我們》靈感竟源自五月天名曲！

劉若英演得唱得大家都知，就連佢首部執導愛情片《後來的我們》都唔野少！ 電影喺內地上映短短10日已經大收12億票房，仲俾Netflix買埋150個國家嘅播放版權，連香港遲啲都有得播！

劉大導處女作已經口碑票房雙收，引起無數觀眾共鳴同淚水， 靈感原來嚟自五月天歌曲！

Photo from 劉若英 Rene Liu

異鄉人/都市人嘅愛情故事

電影《後來的我們》改編自劉若英早年散文《過年，回家》，訴說離鄉者對故鄉舊情人同家人嘅祝福。今次將自己嘅文字搬上大銀幕，另有詩意。

劉若英雖為台北人，但因實踐音樂夢經常離家，到世界各地工作，《後來的我們》無疑反映梗劉導嘅內心世界。

Photo from 劉若英 Rene Liu

故事講述一對離鄉戀人十年間由相識、相愛到分開、重逢嘅感情起伏。

十年前，小曉（周冬雨飾演）、見清（井柏然飾演）離鄉別井到北京打拼。兩個異鄉人火車上邂逅，互相扶持，漸漸相知相識。

Photo from 后来的我们

起初二人過著「蝸居小公寓、即食麵兩份食」嘅簡單生活，奮不顧身地談一場純真戀愛，幸福得離地。

Photo from 后来的我们

小倆口一同捱苦、期盼將來會更幸福⋯⋯可惜，到人成熟了，彼此卻漸行漸遠，各自走往另一個方向。

見清努力地成為小曉需要嘅另一半，小曉卻唔再快樂，因為對方已經唔係當初自己喜歡嘅模樣。

成長、改變，反而係一段感情嘅「第三者」。

Photo from 后来的我们

「後來的我們什麼都有了，卻沒有了我們。」

十年後二人久別重逢，小曉對見清講嘅呢句對白，亦係無數現代人愛情路上寫照。

即使多美好嘅愛情，往往敵不過現實。茫茫人海中相識相愛，到最後只剩下回憶、遺憾、祝福。

Photo from 《後來的我們》Trailer

《後來的我們》電影預告：

五月天歌曲係電影靈感？

心水清嘅「五迷們」或者覺得戲名好耳熟，無錯，電影同五月天歌曲《後來的我們》確係結下不解緣。

劉若英曾在個人網誌透露，喺電影名尚未定好嘅時候，一晚無意中聽到五月天嘅《後來的我們》，被歌詞感動落淚，覺得「這就是劇本的故事 」，便將歌名定為戲名。

同時仲係劉大導嘅「繆思」，佢寫道「創作電影的過程中，這首歌迴圈無數」。

的確，歌詞與小曉同見清呢段感情互相映襯，連男主角井柏然都認同。

Photo from 劉若英 Rene Liu

Photo from 五月天

戲中所表達嘅，除咗慨嘆與愛人有緣無份，同時為對方嘅「後來」送上祝福，如五月天所唱一樣：

親愛的 回憶我們共同 走過的曲折
是那些帶我們 來到了這一刻
讓珍貴的人生 有失有得
用新的幸福 把遺憾包著 就這麼朝著 未來前進了

無論是 後來故事 怎麼了
也要讓 後來人生 精彩著
後來的我們
我期待著 淚水中能看到 你真的 幸福快樂

《後來的我們》MV：

Netflix早前宣佈電影快將於香港平台首播，電影未睇得住，不妨先聽聽五月天嘅演繹，感受故事裡頭嘅味道。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載