女神蔣雅文行動撐母語！堅持用粵語！拍攝台灣政府宣傳片～

文青女神蔣雅文行動支持母語，定居台灣但仍然十分留意香港時事！最近幫台灣政府拍攝嘅宣傳片就用左母語道出台灣！文末有影片啊～

最近母語呢個話題引起好大嘅討論，就係因為教育局嘅一篇文章！文章中提出香港漢族人的母語是漢語而非廣東話嘅論點。各個社交平台都出現不同嘅炮轟評論，好似歐陽偉豪博士Ben Sir就拍左條片分析呢個議題，而Mandy見到都即刻share左去自己Facebook～

Photo from 蔣雅文 Facebook專頁

大概係一個伏筆～事隔7日，琴日正正係Mandy幫台灣政府拍宣傳片嘅首播記者會！

Photo from YouTube - 行政院大陸委員會

Mandy唔經唔覺已經定居台灣10年啦～經營緊自己嘅文青冰品店-心地日常～

Photo from YouTube - 行政院大陸委員會

台灣係好受香港人喜愛嘅熱門旅遊地方，除左距離比較近之餘其實台灣同香港真係有好密切嘅關係～Photo from 蔣雅文 Facebook專頁大家最大嘅共通點就係大家都係用緊美麗的繁體字！

Photo from YouTube - 行政院大陸委員會

一個女孩子毅然決定到他方創業，由零開始慢慢建立自己未來嘅版圖真係好值得我地欣賞、佩服並支持～喺台灣慢活地追尋人生價值嘅同時Mandy亦保留自己嘅初衷，唔會遺忘我地嘅母語～仲堅持做自己，用母語為台灣宣傳，女神好型啊～
Photo from 蔣雅文 Facebook專頁

聽聽女神用美聲為你娓娓道來佢對台灣嘅睇法～身為香港人都感到自豪！香港人撐廣東話！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載