唔駛走到日本都睇到！台北超靚繡球花季成大片花海～大梯田內穿梭如被花包圍！

一講起繡球花花海，會一諗就諗起日本，其實台北都有！大家如果去台北旅行，不妨到台北市北投區嘅大梯田花卉生態農園，絕對啱曬一班女生入去與花海打卡影相！

Photo from Photo from FB@大梯田花卉生態農園

大梯田花卉生態農園最近公布今年5月10日至7月1日為繡球花盛開季節，為期一個半月，而結束時間當然都會因應天氣及環境轉變而有所變動啦，所以剛好喺5至6月去旅行嘅朋友要把握機會啦！

Photo from Photo from FB@大梯田花卉生態農園

而5月中至6月中為繡球花最盛開的日子，真係一大片梯田都長滿繡球花，係梯田內來回穿梭，感覺仲好似係花海中被花包圍添，相信遠影定近影都一樣咁靚啊！

Photo from Photo from FB@大梯田花卉生態農園

Photo from Photo from FB@大梯田花卉生態農園

Photo from Photo from FB@大梯田花卉生態農園

Photo from Photo from FB@大梯田花卉生態農園

大梯田花卉生態農園入場費為台幣100元，如果喺園區點餐，門票可全額折抵餐費，園區內亦有售花卉盆栽及飲品，同樣可全額折抵消費。要留意的是，入園門票不設找續，記得帶散紙之餘都要記得餐點需先預約啊！

Photo from Photo from FB@大梯田花卉生態農園

於花季期間每天都會開放，營業時間為9am至6pm，所以有興趣嘅朋友唔洗擔心，隨時都有得去啊，唔怕就唔到行程啦！

而有關交通方面，大家可以喺台北搭乘捷運淡水線至石牌站，再轉乘小8公車，或至北投站轉乘小9公車亦可，同樣坐到竹子湖的海芋大道（竹子湖站）落車，一落車望過對面就會見到農園嘅指標㗎啦，最後行多5分鐘就入到去！

若自駕遊人士要注意啦，由於農園無地址及停車場，大家可以喺google搜尋大梯田花卉生態農園或台北市北投區竹子湖路33-7號，而產業道路較窄，步行進入會更方便。泊車的話需於海芋大道自行找車位，再步行約5分鐘左右進入農園。

Photo from Photo from FB@大梯田花卉生態農園

農園資料：
大梯田花卉生態農園
營業時間：9am - 6pm / 逢星期二休息(花季期間每天開放)
地址：台北市北投區竹子湖路33-7號附近 / GPS定位: 25.172912, 121.533095
入場費：台幣100元

Photo Credit: FB@大梯田花卉生態農園

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
Follow Instagram: holiday.presslogic