拯救低頭族！首爾推地面紅綠燈～過馬路要小心～此風不可長？

紅綠燈～過馬路～要小心！低頭族愈來愈多，首爾政府竟貼心到推行「地面紅綠燈」？

老老竇竇，大家有無係馬路上面玩手機呢？「紅綠燈過馬路要小心」，細細個都聽唔少又玩唔少啦～但反而大個仔大個女就忽視左馬路嘅危險性！咁樣對司機同埋自己都會釀成一個悲劇！

有見及此，首爾當局就同SGNTech公司聯手有系統地推出「地面紅綠燈」～暫時先於首爾人流比較多嘅地方實施，例如：世宗路十字馬路路口、市廳站（市政府）交叉路口。

除左亮紅燈同綠燈，「地面紅綠燈」一樣會眨下眨下咁提醒過馬路剩餘時間（文末有影片傳送門）！

Photo from YouTube - Handeul Yum

地下都睇到燈號，低頭族無得再抵賴啦！

不過咁樣會唔會縱壞市民呢？但係平衡下弊利，推出「地面紅綠燈」都無壞嘅！但有無效真係值得商榷嘅～希望可以阻止到遺害人間嘅事情發生！最後點都要講句：低頭族呢個風氣，真係此風不可長啊！

其實低頭族同交通意外嘅連帶關係，係世界各地已經引起左好多關注！好似美國有法例抵制過馬路使用電話嘅人，會罰款15～99美元架！要錢定要電話，你地自己攝高枕頭諗清楚啦！btw唔知香港又會唔會效法呢～

地面紅綠燈YouTube影片：https://www.youtube.com/watch?v=vGe1T0oZ4BE

Photo Credit：南韓SGNTech網站

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載