《宮心計2》男星都難逃一脫？馬明、蕭正楠出浴鏡頭直逼女角！網民：你沖夠未？

熱播中嘅重頭劇《宮心計2深宮計》，主角們都逃唔過大台一貫作風，為吸引觀眾眼球，除咗女主角劉心悠、黃心穎上演出浴鏡頭外，連男主角馬國明（馬明）、蕭正楠（Edwin）都「難逃一脫」！

最近幾集馬明喺唔同場口都有沖涼戲，露點濕身、騷肌樣樣齊，出浴鏡頭就嚟直逼同劇女角！

Photo from 宮心計2深宮計@微博

心穎狂昅馬明出浴 濕身騷肌

同現實一樣，劇中黃心穎同馬明都飾演情侶。喺最近播出嘅第6集同第11集中，宮女心穎兩次偷昅馬明沖身，仲睇到口擘擘超興奮，畫面相當滑稽。

第六集中，心穎同心悠路過見到眾宮女偷睇龍武軍喺河邊沖涼，就過去昅埋一份，單睇心穎呢個表情已經唔需要解釋。

Photo from TVB Anywhere

馬明露膊上陣，仲刻意谷埋老鼠仔！嘩！駛唔駛沖個涼都騷肌呀？

Photo from TVB Anywhere

遠鏡、Close-Up鏡頭多達三、四個，驚死觀眾走寶！

Photo from TVB Anywhere

Photo from TVB Anywhere

心穎被濕身馬明深深吸引，去到第11集，雖然好姊妹心悠無咩興趣，但心穎都拉埋對方再昅多次意中人。

Photo from 宮心計2深宮計

心穎嘅「花痴」表情簡直經典！

Photo from 宮心計2深宮計

呢場戲馬明更加落力，拎起成桶水倒上身，實行半裸大濕身。

Photo from 宮心計2深宮計

Photo from 宮心計2深宮計

最尾追加一個Chok樣！

Photo from 宮心計2深宮計

連另一男主角蕭正楠都「終須一脫」！Edwin企喺河中輕輕沖身，大曬心口。

Photo from 宮心計2深宮計

Photo from 宮心計2深宮計

網民：同靜香鬥沖涼多？

兩大男主角為劇集大方騷肌，為女生們眼睛「派福利」，可惜觀眾似乎唔多受落。

唔少留言直指該劇出浴戲過多，又狠批馬明身材無「睇頭」，仲有網民搞笑話：「係咪同靜香鬥沖涼多」、「做乜啫？就嚟出浴多過心悠喇」、「男男女女都沖太多涼」。

Photo from FB留言

網民咁講都唔係無道理！又確係幾似《多啦A夢》大雄成日昅靜香沖涼⋯⋯

Photo from 多啦A夢

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）