兩公婆成個餅印咁係正常～美國研究：擇偶會揀22%相似嘅人！

成日都聽人話啲情侶好有夫妻相好襯啊，原來真係有根有據㗎～研究指出擇偶嘅時候會傾向選擇同自己22%相似嘅人啊！

美國嘅科學雜誌－Discover嘅一個研究指出人類更喜歡同自己有22%相似嘅人。

Photo from 宋慧喬 Instagram @kyoya_1122

實驗中參加者需要係3張分別係同自己樣貌相似11%／22%／33%嘅相片中揀一張～結果發現參加者大多揀左22%個張相～睇嚟同自己樣貌22%相似嘅人更能吸引自己！唔怪得知好多情侶都成個餅印咁啦～好似宋仲基oppa同宋慧喬女神咁，兩個人笑起嚟起碼都有幾分相似！所以真係証實到夫妻相呢件事！

Photo from 林心如Facebook專頁

現實中的確我地都會傾向揀一啲同自己性格、興趣、價值觀，甚至係宗教有共同點嘅人為另一半！相處時會更開心更投契同有話題，然而一齊步入婚姻嘅機會都大啲～

Photo from 蔡少芬Ada Facebook專頁

另外報導亦提及參加者揀同自己樣貌相似嘅人呢個行為亦係佢地有某程度上自戀嘅証明lol～會被同自己相似樣貌嘅人吸引都唔係無原因嘅～

Photo from 陳妍希 Instagram @michelle_chenyanxi

即使本身兩個人一齊嘅時候，唔係太多相似嘅地方都好～都會因為情侶相處愈親近之後，習慣啊行為啊等等可以潛移默化到對方，慢慢同化左對方～對方最後就會變成另一個自己！唔知大家認唔認同呢？

資料來源：Discover

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載