日本氣象廳指大阪1週內可能有6級餘震 提防地震要做嘅4件事

大阪於6月18日發生6.1級地震，造成3死200多人受傷，以及當日交通都有受阻。而日本氣象廳地震海嘯監視課長松森敏幸於18號中午開記者會，指之後1星期都有可能會有相同程度嘅餘震。

Photo from SankeiNews

今次大阪府有6弱震度，而發生地震後出現餘震嘅機會都略高，日本氣象廳地震海嘯監視課長松森敏幸亦指之後1星期會有相同程度餘震嘅機會。始終日本都係都係地震帶，去旅行時亦需要提高警覺，去前可以睇睇提防地震可以做嘅4件事。

Photo from twitter＠Sankei_news

首先要裝地震app。雖然用日本電話卡都會內置地震警報，但不怕一萬，只怕萬一，而且裝多個app會安心啲。

呢個app「Yurekuru Call (鯰魚)」，可以收到唔同震度地震警報，到真係發生地震前約10秒發出警報，同埋可以知道鄰近地區地震震度。

要留意當地新聞，知道旅遊當地嘅狀況。就算係鄰近地區地震，而你身處地區震度細都不容忽視，因為可能會有餘震，令你身處地區都會受地震影響。

Photo from PressLogic

Photo from shutterstock

去旅行前睇清楚旅遊保險保障條款嚟買旅遊保險。萬一真係發生地震，需要盡快返香港或有受傷，都可以claim返，減低損失。

Photo from twitter＠Sankei_news

手機、護照、少量金錢盡量跟身，瞓覺都可能放係可以伸手就拎到嘅距離，因為當一發生較嚴重嘅地震，就有機會要盡快離開身處嘅地方。放係近距離，都可以第一時間拎起嘢就走得。

Photo from shutterstock

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載