日本成員選秀節目被狠批實力不足「跳得齊係日本係咪唔重要？」

最近大熱嘅日韓合作選秀節目《PRODUCE48》，
分別係由96位韓國嘅練習生同埋日本AKB48家族成員互相較量～
最後會由觀眾選出12位成員組成新女團出道！

係節目播出之前，佢地嘅主題曲《PICK ME》已經率先係音樂節目登場！
當時可以見到企係中心位置嘅係日本成員宮脇咲良！

可惜係節目播出之後，大部分日本成員嘅表演實在「慘不忍睹」！
係HKT48嘅表演入面，走音、唔齊、跳錯嘅情況頻頻出現！

評審之一嘅裴允靜導師都忍唔住鬧：「跳成咁樣點解可以出道？」「喺日本跳舞跳得齊係咪一件唔重要嘅事？」
令到一眾日本成員都當場爆喊！
而且全部唔係獲得D就係F級，差唔多成個F級都係日本人！

成員就解釋，係日本要表達正能量同可愛比較重要，
評審就嘆氣，真係文化衝擊！

不過都有幾位日本成員跑出，表現唔錯架！
雖然無韓國嘅練習生咁厲害，但無好專業嘅訓練都拎到A級，都已經好勁了～

係最近播出嘅第二集，見到日本成員嘅意志都好頑強！
就算唔識跳都無放棄到～
呢一點評審都覺得好讚嘆！

小編希望各位練習生同成員都可以加油啊！
韓國果邊每日都可以為練習生同成員投票架～
唔知你又中意邊個呢？

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載