銅鑼灣新開懷舊冰室分店！麻甩新品多蘿蘿～沙爹牛滑蛋菠蘿包、三色炸鮮奶、怪味豬豬仔包！

呢間懷舊冰室岩岩就係銅鑼灣插旗開左分店喇，係上個星期六剛剛開始試業～呢間分店仲有好多限定嘅新品！全部都夠哂麻甩又惹味～

Photo from Presslogic
呢度大部份產品都係源用番佢地牌子嘅牛奶～所以呢度嘅奶類甜品、飲品、同牛奶炒滑蛋就咁出名喇！

首先一定要試最新推出呢兩款包！
沙爹牛肉炒滑蛋菠蘿包 ($26)
一個脆皮菠蘿包，中間夾住滿滿嘅沙爹牛肉同炒滑蛋，一啖食哂真係好幸福！沙爹牛肉加入洋蔥等等翻炒，味道好濃郁，成陣佬味出哂黎啊！
Photo from Presslogic

煎豬柳怪味醬豬仔包 ($29)
呢個脆豬仔入面夾左煎豬柳，再加入佢地特意去調配嘅怪味醬！本身都怕會感覺好膩，但個怪味醬真係配合得好好，係一個加入青檸嘅美奶滋醬，酸酸甜甜夾埋個豬柳，剛好去卻油膩感！
Photo from Presslogic

籠仔椒鹽燒賣 ($38)
用上籠仔裝住，玩味十足啊！係粒粒熱辣辣即炸嘅燒賣上面灑上椒鹽，真係好香好惹味啊！童年去小賣部買燒賣嘅回憶真係出哂黎～
Photo from Presslogic

黑松露黃金蝦 ($56)
呢款係用上鹹蛋黃炒香蝦肉，每一舊都被沙沙鹹蛋包圍住，好香口！上面再用上黑松露作點綴～呢款都好推介啊，不過價錢就略嫌有啲貴喇！
Photo from Presslogic

三色炸鮮奶 ($32)
呢個三色炸鮮奶係源用佢地品牌嘅十字純鮮奶、十字芒果木瓜牛奶、十字士多啤梨牛奶三款嘅牛奶去整成！預先凝固左嘅牛奶沾上炸漿即叫即炸，外皮脆卜卜，入面好似半流心咁軟綿綿狀態，真係好好味～小編最愛十字純鮮奶嘅原味版本，食到好香奶香啊！
Photo from Presslogic

皇牌餐 ($62)
佢地嘅皇牌餐係有香濃蕃茄牛尾湯通粉，足足成隻牛尾係度嫁，超足料～蕃茄湯唔係超濃郁，但勝在好多料！
配上招牌嘅黑松露炒滑蛋同輕輕烘香嘅牛油多士，perfect池～
Photo from Presslogic

鮮奶抹茶蜜糖紅豆冰 ($28)
呢個係用佢地嘅十字牛奶再加入抹茶粉沖泡而成，係底部有海量嘅蜜糖紅豆冰～好滿足啊！
Photo from Presslogic

十字冰室
*銅鑼灣分店地址：銅鑼灣禮頓道64號地下
試業期間營業時間：星期一至日 07:30～21:00
電話：2955 4722

西營盤總店地址：西環西營盤高街48-78號恆陞大樓地下12號舖
營業時間：星期一至日 07:30～20:30
電話：2887 1315

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載