有姐的弟弟是暖男？！句句超精準 從家庭排序了解自己性格特徵！

相信唔少人都會覺得一個人嘅性格建立，多數取決於成長環境以及父母嘅對待方式，因此「家中排行」對性格會產生一定程度嘅影響！有專家就以「家中排序」分析出唔同排名兄弟姊妹嘅性格特徵，大部分人睇完之後都覺得超準確！唔知你哋又覺得係咪呢？

家中排行第一：獨立且具領導能力
家中排第一嘅人由於從小就要學識照顧年紀更小嘅弟妹，因此一般都有獨立自理能力，唔需要其他人憂心。更由於無年長嘅兄弟姊妹可依賴，大部分時間仲要照顧他人，所以都好識得照顧他人感受，事事關心別人，有事亦願意主動出手幫忙，是個會積極向上的人。

除此之外，有時仲要身兼父母職責照顧弟妹，例如為弟妹作抉擇、調和糾紛、處理日常起居、做家務等，因此都顯得比較成熟懂事，而且具有一定程度嘅領導能力。

但若然本身對自己要求高，咁就好容易會因「要成為家中榜樣」而令自己充滿壓力，亦因為經常渴望自己能「做到最好，不負他人期望」，令自己容易處於繃緊狀態。但要知道照顧別人並不容易，無需每事給予自己太大壓力，辛苦自己之餘，反倒仲有機會傷害到身邊人，所以都係放鬆啲啦，話比自己聽你已經很棒了！

家中排行第二：容易感到迷惘且定位不清
唔少人覺得家中排行第二就好容易被父母忽視，而且少有決定權力，因此會對自己嘅定位感到迷惘不清，容易變得沉默寡言。其實排第二嘅人雖然對上還有人可依賴，但由於多數會認為自己亦有責任照顧弟妹，在重大事情上雖未有決定權，但反而在小事上會顯得更細心體貼。

卸去排第一者嘅威嚴，亦更會注重溝通及團體合作生活，事情考慮上較為周全謹慎，同時都好注重朋友交際，係最值得信任嘅人。

但記得唔好胡思亂想及死牛一面頸，不時也可以勇敢企出嚟表達自己意見！

亦更有唔少人認為，由於排行第二無大佬格果種大男人，而有姐姐嘅弟弟更清楚了解女性脾氣及心態，懂得體諒，因此無論排得二定第三，有姊的弟弟都絕對係百分百暖男！

家中排行第三：愛冒險且有自己思想
排行第三嘅人心中總覺得「做錯事都唔緊要，總有哥哥姐姐幫我」，因此多數都敢挑戰及愛冒險，但亦因如此會經常陷入窘境。

而排第三因唔會出現排行最小果種卑微感，多數願意發聲及表達自己意見，係家中較活躍好動嘅家庭成員！

但由於好多事情上有更年長嘅弟妹幫忙，助人或照顧人嘅機會或會還少，因此見到其他人要幫助時可主動出手相助，咁就更有同情心啦！

家中排行最尾：擅於交際且很會說話氹人
家中最細果個毫無疑問集萬千寵愛於一身！好多人認為排行最小好易出現公主病，但其實正因為排行最小，從小就被「長幼有序」教化，因此深明等待與公正嘅道理，做錯事會懂得向他人道歉。

也正因為經常與較年長嘅人相處，所以非常擅於交際，很會說話氹人，因此人際關係非常好，亦肯會付出及體諒。在愛情上也會盡量避免爭吵，偏向溫馨和平嘅環境。

但即使從小有好多年長嘅兄弟姊妹在旁，都唔好因自己排行最小而感到卑微，要記得你都係個有能力獨立處事嘅人，同時都要好好學習照顧其他人！

獨生子女：較獨立而自我中心
獨生子女其實同排名第一嘅老大一樣喜歡追求完美，同時都好有領導才能。而且因為從小無兄弟姊妹陪伴，所以好識得自我娛樂。獨生子女凡事或會多考慮自己為先，所以比人感覺較自我中心，只會理自己唔識照顧別人。

其實適當嘅自我中心唔係壞事，但過分自我中心就容易比人感覺自私，所以要努力學習與人相處及學會多體諒別人。無兄弟姊妹共處，喺人際溝通方面都要好好學習，記得唔好過分以自己為依歸，學識禮讓及待人接物，就可以變得更好！

其實每個人都有自己獨一無二嘅個性，雖然家中排行或多或少會有影響，但最重要係知道自己長短處，每個人嘅性格都有好有壞，只要好好發揮優點，改善既有嘅壞習慣，就可以成為一個更好嘅人！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載