又到Gran din季節！時代變遷 不變嘅係你我都遇過嘅騎呢衣著

又到一年一到謝師宴季節喇！小編記得陳幾何時中學畢業考完公開試，最期待唔係成績，而係終於有機會成班同學老師聚埋一齊，又可以扮靚靚。不過，小編覺得謝師宴另一看點就係各位同學嘅衣著，實在係千奇百怪，以下就係小編總括咗嘅一啲gran din特別衣著類型喇！

1. 姐妹結婚系列 - 姐妹裙

Photo from Taobao

well相信好多同學都會約埋一齊去揀謝師宴裙，有啲商場咪專賣呢啲「結婚裙」嘅...仲有得度身訂造。而嗰度好多款式都係啲紗質地嘅裙，腰間有條粗蝴蝶絲帶，平口嘅，顏色仲要係啲好粉嗰啲～因為成個商場都好多同款，所以真係好易撞款㗎！

Photo from Taobao

2. 嫁女系列 - 閃粉頭

Photo from Pinterest

有啲同學仔會俾錢請人黎幫自己set頭，但係好多時候可能搵錯類別，個頭就會set到好似阿媽嫁女咁，重點係仲要加勁多閃粉...噴勁多髮膠，硬到咩咁。

3. 做大戲系列 - 熊貓眼 x 馬騮屎忽 x 紅唇烈焰

Photo from Taobao

無論係請化妝師定自己化，講到晚宴都好容易會化到好濃，但係化濃妝黎講，化得好睇就話姐，唔好睇就會好似好污糟或者好腫㗎嘛，再加上玩咁耐好易溶妝，熊貓眼走唔甩喇！

4. 慈善晚會系列 - 薄紗披肩

Photo from Taobao

咩咩主席夫人、董事夫人，喺嗰啲慈善晚宴或者支票轉贈儀式度咪著到好莊重嘅。通常都會加埋條薄紗披肩，實在係覺得女大十八變，考完個公開試，同學你成熟咗好多啊～都做埋夫人喇...

5. 扮馬系列 - 超高斗零踭
以前勁興呢款高踭鞋，前面platform勁厚～

Photo from Taobao

明白嬌小玲瓏嘅會想變高，本身好高嘅又會想更加高；又或者希望顯得成熟啲，有女人味啲；定係希望雙腳顯得修長啲都好，著斗零踭都係好多女仔會做嘅事。只係...著斗零踭其實係一門學問一門技能，著得好咪American Next Top Model囉，唔好嘅...真係行到好似隻馬咁㗎...

Photo from Taobao

Photo from Taobao

6. 行禮系列 - 兼職清潔拖地長裙

Photo from Taobao

返學嗰陣條裙就想摺短啲，到咗grad din總係有幾位同學仔會著啲拖地長裙（即係婚紗後面條尾拖到長一長嗰啲），行喺佢後面唔可以行太貼，會踩到佢條尾～

7. 盡顯身材系列 - 緊身／低胸

Photo from Taobao

中學畢業都18歲，成年人畢業生釋放自己好正常，除咗高貴長裙，好多同學仔都會選擇短裙仔或者可以有效show到完美豐滿身型嘅裙，不過一唔覺意over咗就...有啲俗氣喇

Photo from Taobao

Photo from Taobao

又即係咁，誰沒過去啊？小編想當年都又點兒不堪入目的說...無呢啲經歷，大咗舊同學聚會又有咩笑啊！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載