黃子華淚灑紅館台上感激劉青雲當年義氣相助大讚好兄弟：有大俠風範

By Charlotte on 23 Jul 2018

Editor

如果脂肪能賺錢，也許已養起全世界。妄想只吃只睡能過一生，看來還要多多努力。喜愛旅遊，喜歡到處尋找美食。每天也要化妝，再累也要戴con出門，大概是唯一的堅持。

琴晚（22日）嗰場棟篤笑尾聲時段，子華如常喺最尾多謝一啲幫助過佢嘅人，繼之前因為喺後台見到共患難嘅好兄弟 - 林祖輝而爆喊，今次喺台上因為諗起當年初出道時，劉青雲體貼嘅一個行為而哽咽，仲一度未能繼續講落去。

子華話當年仲係佢頭幾個show，而嗰一日雖然唔係尾場，但子華有啲朋友喺完show嗰陣就好開心咁叫子華一齊去慶功，子華就覺得通常都係尾場先會慶功，但係嗰日啲朋友叫到，咁咪一齊去囉，開心啊嘛。
Photo from Facebook 子華本部
同行20幾人，入面其實得3-4人係識嘅，仲要係食日本嘢。子華笑道：「都唔知啲日本人點解咁勁，發明樣樣嘢食都係咁貴嘅」。子華仲話：「當年一場棟篤笑唔係賺到好多錢」，嗰晚有成20幾人，咁計落都幾係嘢。
Photo from Facebook 子華本部
當子華諗住俾錢嘅時候，就有人同佢講，阿「邊個」幫你俾咗喇！講到呢度子華已經忍喊忍到講唔到，要飲水冷靜。之後為咗緩和氣氛就搞gag講話：「所以你睇下我呢個人幾睇重錢啊」
Photo from Facebook 子華本部
而佢所講嗰個「阿邊個」就係劉青雲。青雲同子華講：「我知道呢度好多人同你唔熟，我幫你搞掂喇！」
Photo from Facebook Sean Lau 劉青雲
子華好感動，覺得一個人好地地做咩要幫你埋單呢真係，佢話：「我感動唔係因為佢俾錢，而係因為佢（青雲）知道呢餐飯對呢個人（子華）黎講係一個數目。」
Photo from Facebook 子華本部截圖
子華仲讚青雲：「有大俠風範，好嘢！」之後全場拍手！