仲飲黑糖珍奶？！台北火紅綠豆沙牛乳黎到香港喇！仲有苦瓜汁～新款台飲駕到！

你仲排緊黑糖珍奶啊？依家台灣就興起飲綠豆沙牛乳！每日都要大排長龍先至買到～而最近！最近！呢間中環台灣菜店開始可以外賣供應喇～～～

係滿滿嘅綠豆顆粒嘅綠豆沙再加上順滑牛乳，小編之前就未試過，不過絕對係驚喜嘅味道！難怪係台灣真係要大排長龍先買到～

呢間台式餐廳係小編私心推介：中環區價錢最貼地、CP值最高嘅台灣菜！不過最近佢地就偷偷帶左呢個台灣最近最火熱嘅綠豆沙牛乳黎香港！係香港首間～
Photo from Presslogic

綠豆沙牛乳 (冰 $33)
綠豆沙由粒粒綠豆打成蓉，入口仲有少少顆粒質感～飲落會食到有咬口嘅綠豆殼！配埋個香濃嘅牛乳，濃郁幼滑嘅感覺係估唔到咁好飲啊！
Photo from Presslogic

綠豆沙沙冰 (冰 $35)
想試到一整杯都係綠豆沙香甜嘅可以揀呢杯！非常非常足料，飲完真係飽哂嫁～綠豆沙甜度剛好，絕對唔會有台式飲品「受不了」嘅死甜！皆因無額外加糖嫁！成杯都係重成本嘅綠豆沙！
Photo from Presslogic

鮮木瓜牛乳 (冰 $35)
呢款亦係推介之一啊！用左新鮮木瓜汁，再加埋牛乳一齊，飲落感覺好清甜好解渴！
Photo from Presslogic

鮮芭樂苦瓜汁 (冰 $35)
除左綠豆沙牛乳，芭樂苦瓜汁亦係招牌之一！用上充滿台灣氣息嘅水果-芭樂，甘甜嘅苦瓜汁加埋香味濃郁嘅芭樂汁！飲落比起木瓜牛乳更加清甜～呢款仲可以+$3加珍珠嫁！
Photo from Presslogic

外賣飲品餐單：
Photo from Check-in Taipei

經過可以買到佢地嘅外賣飲品之外，如果有時間一定要坐低試下佢地嘅野食啊，價錢非常親民！晚餐嘅主菜只係每人$38-$88咋～黎緊仲籌備緊新menu！

小編超級超級推介佢地嘅鹽酥雞！無論係手繪雙色鹽酥雞 ($75)同窩夫鹽酥雞 ($65)同樣出色～
外皮香脆度120%，咬落帶點點煙韌質感，再入面嘅雞肉超級嫩滑！完全係台灣夜市外脆內嫩嘅感覺！
Photo from Presslogic