係回憶呀！90年代童星逐個捉 你又記得幾多個？

個個都話要懷舊，唔通真係個個都識咩叫懷舊咩我！最近有唔少舊嘅電影、電視劇翻Hit，再次引起話題。其實90年代嘅電視劇唔少好睇，當中仲帶紅咗唔少童星添！其中有好幾位現時都仲喺娛樂圈發展，包括唐寧、黃美棋、莊錠欣、張繼聰等。

1.莊錠欣

2009年，莊錠欣以童星身份演出多部電視劇。直至2015年，佢參加CUBE Entertainment嘅香港區嘅選秀比賽後，就去咗韓國做練習生。2016年，作為新成員加入女子演唱組合CLC正式喺韓國出道。

Photo from TVB

Photo from cube_clc_official instagram

2.黃美棋

黃美棋由1995年《刑事偵緝檔案》中飾演棠棠而出道。曾於《我和殭屍有個約會》的演出而受到觀眾注目。另外，最為人熟悉嘅應該係《行運一條龍》中，怒罵吳孟達嘅「小芬女」。不講不知，原來佢仲演過三級片㗎…佢後來淡出影圈到美國升學，畢業後又再重返娛樂圈。

Photo from 《我和殭屍有個約會》

Photo from 黃美棋 instagram

3.唐寧

現年37歲，已有兩個小朋友嘅唐寧，8歲就入行，喺電影《縱橫四海》中飾演鍾楚紅童年。少女時期曾主演青春電影《4個32A和一個香蕉少年》，後嚟影視兩線發展。去年她與舞台劇演員鄧偉傑離婚後，繼續其演藝事業，主力做慈善和環保工作。

Photo from 《縱橫四海》

Photo from 唐寧instagram

4.張國權

當年亞視經典劇《我和殭屍有個約會》飾演「復生」嘅張國權，可能對佢個名有啲陌生，但《殭》中一角令佢開展咗童星之路，當年只得9歲嘅佢，除咗拍亞視劇之外，亦接拍過電影《生命揸Fit人》及《山村老屍3惡靈纏身》。

Photo from 《我和殭屍有個約會》

Photo from 張國權Weibo

4年前佢與圈外女友結婚後，不時喺網上放閃，羨煞旁人。

5.鄭柏林

鄭柏林（小柏林）肯定係90年代最紅嘅童星，當年更曾代表全港市民向英國皇妃戴安娜獻花，其經典冬菇頭、儍笑時的小酒窩，是乖小孩的標記。

Photo from 電影《愛的世界》

小柏林依個冬菇頭LOOK真係好經典呀！

Photo from 傅晉杰 instagram

依家「小柏林」已經大個仔喇，仲做埋督察添！

6.張繼聰

當年頂着冬菇頭、擘大口得個窿的豆丁張繼聰精靈活潑，冧女原來已有一手。20年後，牛奶味依舊，但十五樓已養了謝安琪和囝囝張瞻。

Photo from 張繼聰 instagram

Photo from 張繼聰 instagram

7.吳澋滔

已故藝人司馬燕嘅大仔吳澋滔現年21歲，當時年紀少少嘅佢已獲讚演技出色，仲憑電影《父子》橫掃香港電影金像獎奪最佳新演員及最佳男配角，以及台灣金馬獎最佳男配角。不過佢當時以學業為重，就冇再拍戲，但多年嚟媒體不時報道佢嘅近況，長大後更成為靚仔男神。

Photo from 電影《父子》

Photo from 吳澋滔instagram

唔知大家仲記唔記得佢哋呢？！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）